Eixes da proposta didáctica

A proposta didáctica, centrada na noticia e na creación dun telexornal que teña como tema central, noticias positivas que acontecen na contorna ou a outros niveis, estrutúrase en distintos eixes de aprendizaxe. A través deles, o alumnado adquirirá diversas habilidades e coñecementos que o conducirán ao desenvolvemento das competencias clave.

Lectura e análise de noticias en diversos formatos, no que o alumnado terá que:

Identificar as características da noticia (veracidade, obxectividade, claridade na linguaxe e uso de fontes fiables) e a súa estrutura específica (titular, entradilla, corpo e peche) así como a premisa das 5W.
Comprender o propósito e as funcións que teñen as noticias
Coñecer as diferentes formas de difusión dunha noticia.

Comprensión de textos escritos, no que o alumnado terá que:

Desenvolver habilidades para comprender textos de diversa índole, inferir significados e recoñecer detalles.
Aprender a extraer a información principal dunha noticia usando técnicas de lectura rápida, palabras chave, etc.
Comprender o que están lendo en relación ao REA á hora de poder realizar reflexións, exercicios concretos que se lles solicita, etc.

Produción de textos escritos, no que o alumnado terá que:

Preparar as noticias a partir das estruturas proporcionadas pola persoa titora.
Desenvolver habilidades na estruturación da súa noticia, atendendo ás partes e ás 5W.
Fomento da creatividade á hora de deseñar a noticia para que resulte chamativa ao público.

Comprensión de textos orais, no que o alumnado terá que:

Extraer información para a realización do traballo que corresponda.
Analizar e practicar escoita activa para sintetizar e inferir as ideas principais dos textos.

Producir textos orais, no que o alumnado terá que:

Aprender técnicas de exposición oral á hora de realizar o telexornal.
Practicar a dicción, entoación e a fluidez, previas á hora de realizar a gravación.
Traballar en equipo de forma cooperada para obter o produto final.

Produción de contidos audiovisuais e uso de ferramentas TIC, na que o alumnado terá que:

Aprender como se utilizan os diferentes recursos informáticos á súa disposición
Aprender o manexo básico dun editor de vídeo para a montaxe da noticia e o telexornal.
Saber buscar material con licenzas libres para o programa, de tal forma que se respecten os dereitos de autor.

Contidos, obxectivos específicos e competencias clave

Este REA, en relación coa programación didáctica de referencia publicada no aplicativo de PROENS para a área de "Lingua Castelá e Literatura" de 6º de Educación Primaria, contextualízase na unidade didáctica número 9 que leva por nome "A comunicación no mundo dixital".
O recurso englóbase principalmente nos bloques:

Bloque 2. Comunicación oral. Recolle aspectos fundamentais da lingua oral. O uso oral da lingua ten o propósito de favorecer a adquisición de destrezas específicas de pronuncia e entoación axeitadas; de estratexias de recoñecemento, selección e interpretación da información; da construción e comunicación do coñecemento mediante a planificación e produción de textos orais e multimodais; da identificación e modelización das propiedades e tipoloxías dos textos; da interacción oral en situacións de aula, e de escoita activa na resolución dialogada de conflitos, respectando as normas esenciais da cortesía lingüística. A lectura e a produción oral implican unha paulatina mellora na comprensión de textos e inciden na aprendizaxe da lingua.
Bloque 3. Comunicación escrita. Inclúe aspectos básicos e indispensables da lingua escrita, intensificando gradualmente o uso persoal, autónomo e creativo da lingua escrita. Implica o coñecemento das posibilidades que ofrece o código desde a perspectiva do léxico, da ortografía, da estrutura do discurso e das dimensións ética e estética. A produción de textos escritos e multimodais suporá a procura do xénero discursivo e do tipo de texto adecuado para cada situación comunicativa, utilizando, tanto de forma individual como colectiva, estratexias de planificación, redacción, revisión e edición. Nesta etapa teñen que consolidarse o dominio de técnicas gráficas, a relación entre son e grafía, as normas ortográficas convencionais e a disposición do texto desde as diferentes fases do proceso evolutivo da escritura. A lectura, tanto de forma individual como compartida, e a comprensión lectora permitiranlle ao alumnado adquirir as destrezas necesarias para a identificación das ideas máis relevantes e do sentido global dos textos, para a realización de inferencias e para a detección dos usos discriminatorios da linguaxe.
Bloque 4. Alfabetización mediática e informacional. Integra criterios de avaliación e contidos relacionados coa busca, selección e contraste da información procedente de fontes documentais variadas en distintos soportes e formatos con criterios de fiabilidade e pertinencia. Proponse un proceso de investigación e pescuda para que o alumnado, individualmente ou de forma cooperativa, progrese na planificación e busca de información en diversos contextos, formatos e soportes, para transformala, xestionala, comunicala de xeito persoal e creativo, e utilizala con distintos fins, adoptando un punto de vista crítico e de respecto pola propiedade intelectual. A biblioteca de aula ou do centro serán os espazos ideais para desenvolver proxectos globais e interdisciplinares, coa utilización de todos os recursos dixitais que dispoñan.
Bloque 6. Reflexións sobre a lingua e os seus usos no marco de propostas a produción e comprensión de textos orais, escritos ou multimodais. Incorpora criterios de avaliación e contidos relacionados co coñecemento da lingua e a súa organización, facilitando a construción guiada de conclusións propias sobre o sistema lingüístico e a mellora dos textos propios. Supón para o alumnado o establecemento de xeneralizacións básicas respecto do funcionamento da lingua, prestando especial atención ás diferentes relacións de forma, función, concordancia e significadoentre as palabras e grupos de palabras; á observación e comprensión das regras de acentuación; ás modalidades oracionais en relación coa intención comunicativa; á correlación temporal establecida polos tempos verbais e ao uso de dicionarios, en distintos soportes. Preténdese, así mesmo, facilitarlle e permitirlle ao alumnado o coñecemento e a reflexión sobre a situación das linguas da contorna e do seu ámbito escolar dentro dun contexto plurilingüe, e a identificación de similitudes e diferenzas entre estas para acadar unha competencia comunicativa integrada.

Contidos	Bloque da materia
Contexto – Incidencia entre os compoñentes do feito comunicativo (situación, participantes, propósito comunicativo, canle, rexistro) na comunicación oral. Xéneros discursivos – Elementos básicos de contido en textos orais (tema, fórmulas fixas, léxico, inferencias de información). – Utilización dun vocabulario adaptado ao nivel sobre diferentes temáticas para unha mellor comunicación oral en distintas situacións. – Estratexias para a coherencia, cohesión e adecuación na produción e reprodución oral de textos. Procesos: interacción oral – Estratexias para a utilización da linguaxe oral como instrumento de comunicación e aprendizaxe: escoitar, recoller datos, preguntar, exposición de ideas. – Interacción oral adecuada en situacións de aula e en contextos formais pautados con respecto ás estratexias de cortesía lingüística. – Participación activa en situacións de comunicación, espontáneas e dirixidas, utilizando un discurso coherente, ordenado e lóxico, e mobilizando a empatía na escoita e na expresión para transmitir necesidades, vivencias e emocións propias e alleas. – Estratexias de escoita activa, asertividade e proposta de solución creativa para a resolución dialogada de conflitos, utilizando unha linguaxe oral non discriminatoria, con propostas propias e tendo en conta a perspectiva de xénero. Procesos: comprensión oral – Comprensión e expresión de mensaxes verbais e non verbais. – Estratexias de identificación e interpretación do sentido global, da información relevante e da integración da información explícita e a realización de inferencias para superar o sentido literal de textos sociais orais e multimodais. – Utilización dos medios de comunicación social textuais e multimodais como forma de aprendizaxe a través da lingua: prensa, radio, Internet... Procesos: produción oral. – Audición, dramatización e reprodución de textos adecuados ao nivel que estimulen o seu intereses e gustos. – Produción e reprodución de textos orais de diversa tipoloxía segundo o seu formato e intención comunicativa, adecuados ao nivel e que estimulen o seu interese. – Elaboración de textos orais axeitados ao nivel, con utilización correcta dos elementos da prosodia e non verbais, empregando unha linguaxe non discriminatoria e respectuosa coas diferenzas.	Bloque 2
Contexto – Incidencia entre os compoñentes do feito comunicativo (situación, participantes, propósito comunicativo, canle, rexistro) na comunicación escrita. Xéneros discursivos – Elementos básicos de contido en textos escritos (tema, fórmulas fixas, léxico, inferencias de información) e forma (estrutura, formato, título, imaxes, tipografía). – Estratexias elementais para a coherencia, cohesión e adecuación dos textos escritos. – Estratexias básicas para o coñecemento da estrutura da lingua, a gramática, o vocabulario, así como as regras de ortografía que favorecen unha comunicación máis eficaz. – Construción do pensamento crítico a través da lingua para evitar a discriminación. Procesos: comprensión lectora – Estratexias de identificación e valoración do sentido global do texto, de integración da información explícita e de realización de inferencias para superar o sentido literal de textos en fontes documentais diversas en procesos de comprensión e produción de textos escritos. – Estratexias de uso progresivamente autónomo de recursos lingüísticos diversos, tanto en papel como dixitais, para mellorar a comprensión de textos. – Uso da biblioteca para a lectura dos libros propostos, na procura de información e utilización desta como fonte de información e lecer. – Estratexias para detectar usos discriminatorios da linguaxe verbal e icónica en textos escritos. Procesos: produción escrita – Elaboración de textos, con presentación coidada con intención comunicativa e creatividade. – Estratexias elementais, individuais ou grupais, de planificación, redacción, revisión e edición de textos escritos e multimodais complexos, con distintos propósitos comunicativos. – Aplicación das normas ortográficas e cohesión do texto na produción e corrección: mantemento do tempo verbal, puntuación, concordancia básica e acentuación. – Uso de fontes documentais diversas, tanto en papel como dixitais, para mellorar a expresión escrita. – Valoración da propia produción escrita, así como a produción escrita dos compañeiros e compañeiras. – Uso dunha linguaxe non discriminatoria e respectuosa coas diferenzas.	Bloque 3
Estratexias para a procura de información en fontes documentais e dixitais no contorno familiar e social. Estratexias de comparación, clasificación e valoración crítica da información. Síntese e reelaboración de coñecementos de forma progresivamente autónoma e con apoio de modelos. Comunicación creativa do coñecemento, con recoñecemento da autoría e respecto pola propiedade intelectual. Utilización autónoma da biblioteca e os recursos dixitais da aula ou do centro. Utilización das tecnoloxías da información e da comunicación de modo eficiente e responsable para elaborar e presentar as súas producións, adoptando hábitos de uso crítico, seguro, sustentable e saudable.	Bloque 4
Identificación das similitudes e diferenzas entre as linguas do seu ámbito escolar e social para acadar unha competencia comunicativa integrada e progresar na súa aprendizaxe. Modalidades oracionais en relación coa intención comunicativa. Aproximación á lingua como sistema con distintos niveis: sons, letras, palabras, oracións e textos. Observación e comparación de unidades comunicativas básicas. Mecanismos léxicos elementais para adquisición de vocabulario a través da formación de palabras e enunciados. Os signos de puntuación como mecanismos para organizar o texto escrito e para expresar a intención comunicativa	Bloque 6

No que respecta aos obxectivos, este recurso céntrase nos seguintes:

Obxectivos	Descrición
OBX3	Producir textos orais e multimodais con coherencia, claridade e rexistro adecuados para expresar ideas, sentimentos e conceptos; construír coñecemento; establecer vínculos persoais; e participar con autonomía e unha actitude cooperativa e empática en interaccións orais variadas.
OBX5	Producir textos escritos e multimodais, con corrección gramatical e ortográfica básicas, seriando correctamente os contidos e aplicando estratexias elementais de planificación, textualización, redacción, revisión e edición para construír coñecemento e para dar resposta a demandas comunicativas concretas.
OBX6	Buscar, seleccionar e contrastar información procedente de dúas ou máis fontes, de forma planificada e co debido acompañamento, avaliando a súa fiabilidade e recoñecendo algúns riscos de manipulación e desinformación, para transformala en coñecemento e para comunicala de maneira creativa, adoptando un punto de vista persoal e respectuoso coa propiedade intelectual.
OBX9	Reflexionar de forma guiada sobre a linguaxe a partir de procesos de produción e comprensión de textos en contextos significativos, utilizando a terminoloxía elemental adecuada para iniciarse no desenvolvemento da conciencia lingüística e para mellorar as destrezas de produción e comprensión oral e escrita.
OBX10	Pór as propias prácticas comunicativas ao servizo da convivencia democrática utilizando unha linguaxe non discriminatoria e detectando e rexeitando os abusos de poder a través da palabra para favorecer un uso non só eficaz senón tamén ético da linguaxe.

A continuación inclúense os descritores das competencias clave establecidos pola normativa:

Competencias clave	Clave dos descritores operativos
Competencia en comunicación lingüística (CCL)	CCL1, CCL2, CCL3, CCL5
Competencia plurilingüe (CP)	CP2, CP3
Competencia matemática, en ciencia, tecnoloxía e enxeñería (STEM)	STEM1, STEM2
Competencia dixital (CD)	CD1, CD2, CD3, CD4
Competencia persoal, social e de aprender a aprender (CPSAA)	CPSAA3, CPSAA5
Competencia cidadá (CC)	CC1, CC2, CC3,
Competencia emprendedora (CE)	CE1, CE3
Competencia en conciencia y expresiones culturales (CEEC)