Eixes da proposta didáctica

A área de Ciencias da Natureza concíbese como un ámbito cuxo obxectivo principal é que as nenas e os nenos cheguen a ser persoas activas, responsables e respectuosas co mundo en que viven, adquirindo os coñecementos esenciais e os principios básicos do medio natural para que poidan construír un mundo máis solidario, xusto, igualitario e sustentable. A materia de Ciencias da Natureza propón, polo tanto, comprender a ciencia como un proceso de investigación, a través da observación sistemática, a medición, a experimentación e a formulación de hipóteses, como base do método científico e eixe central da materia, intentando así dar resposta aos principais problemas dunha sociedade globalizada, tendo en conta o rápido desenvolvemento e progreso científico-tecnolóxico.

Por outra banda, a dixitalización das contornas de aprendizaxe fai preciso que o alumnado faga un uso seguro, eficaz e responsable da tecnoloxía, que, xunto coa promoción do espírito emprendedor e o desenvolvemento das destrezas e técnicas básicas do proceso tecnolóxico, facilitarán a realización de proxectos interdisciplinares cooperativos nos cales se resolva un problema ou se dea resposta a unha necesidade da contorna próxima, de modo que o alumnado poida achegar solucións creativas e innovadoras a través do desenvolvemento dun prototipo final con valor ecosocial.

Este REA contribúe a adquisición de conceptos, destrezas e actitudes relacionadas coa tecnoloxía e dixitalización e as máquinas.

Os ODS directamente conectados con este REA son:

ODS 4: Educación de calidade. Promóvese unha educación inclusiva e equitativa ao integrar o uso de recursos dixitais e fomentar a aprendizaxe activo mediante a creación dunha exposición interactiva.
ODS 5: Igualdade de xénero. Preténdese garantir o acceso a unha educación de calidade e inclusiva para todos, así como eliminar as desigualdades de xénero na aprendizaxe e nas oportunidades educativas.
ODS 9: Industria, innovación e infraestrutura. A creación de recursos dixitais e o uso do ordenador para buscar información fomenta a innovación e o desenvolvemento de habilidades tecnolóxicas.

Contidos, obxectivos específicos e competencias clave

Contidos	Bloque da materia
MATERIA, FORZAS E ENERXÍA C3.6 Identificación, características e funcións das máquinas simples e compostas de uso cotián.	Bloque 3
CULTURA CIENTÍFICA C1.2 Fomento da curiosidade, a iniciativa, a constancia e o sentido da responsabilidade na realización das diferentes investigacións enunciando hipóteses. C1.3 Vocabulario científico relacionado coas diferentes investigacións. C1.4 Procura de información a través de diferentes fontes, de maneira individual e en equipo. C1.5 Experimentación sobre cuestións científicas relacionadas coas necesidades actuais da sociedade. C1.6 Instrumentos e dispositivos apropiados para realizar observacións e medicións precisas de acordo coas necesidades da investigación. C1.7 Fases da investigación científica (observación, formulación de preguntas e predicións, planificación e realización de experimentos, recollida e análises de información e datos). C1.8 Comunicación dos resultados da investigación, de forma oral ou escrita, utilizando diferentes soportes (textos orais ou escritos, maquetas, presentacións, murais).	Bloque 1
MATERIA, FORZAS E ENERXÍA C3.6 Identificación, características e funcións das máquinas simples e compostas de uso cotián.	Bloque 3
TECNOLOXÍA E DIXITILIZACIÓN C4.1 - Dixitalización da contorna persoal de aprendizaxe: C4.1.1 Dispositivos e recursos dixitais de acordo coas necesidades do contexto educativo. C4.1.2 Estratexias de procura de información na internet seguras e eficientes (valoración, discriminación, selección, organización e propiedade intelectual). C4.1.3 Estratexias de recollida, almacenamento e representación de datos para facilitar a súa comprensión e análise. C4.1.5 Regras básicas de seguridade e privacidade para navegar pola internet e para protexer a contorna dixital persoal de aprendizaxe. C4.1.6 Recursos e plataformas dixitais restrinxidas e seguras para comunicarse con outras persoas. Etiqueta dixital, regras básicas de cortesía e respecto e estratexias para resolver problemas na comunicación dixital. C4.1.7 Estratexias para fomentar o benestar dixital. Recoñecemento dos riscos asociados a un uso inadecuado e pouco seguro das tecnoloxías dixitais (tempo excesivo de uso, ciberacoso, dependencia tecnolóxica, acceso a contidos inadecuados) e estratexias de actuación. C4.2 Proxectos de deseño e pensamento computacional: C4.2.1 Influencia do desenvolvemento tecnolóxico na mellora das condicións de vida e de traballo na sociedade actual. C4.2.2 Avances da ciencia na contorna (medicina, tecnoloxías da información e da comunicación, cinema, deporte...). C4.2.3 Observación e formulación de situacións-problema derivadas de necesidades que xurdan na súa contorna próxima. C4.2.4 Iniciación ás fases do pensamento computacional (creación de esquemas ou diagramas sinxelos para planificar accións, descomposición dunha tarefa en partes máis sinxelas, desenvolvemento de diferentes estratexias para a resolución dun problema). C4.2.5 Técnicas para potenciar o traballo cooperativo, a cohesión de grupo e a resolución pacífica de conflitos. C4.2.6 Estratexias en situacións de incerteza: adaptación e cambio de estratexia cando sexa necesario, e valoración do erro propio e o dos demais como oportunidade de aprendizaxe. C4.2.7 Deseño, prototipo, proba e avaliación dun proxecto de deseño sinxelo que teña relevancia na súa contorna. C4.2.8 Construción de proxectos sinxelos, utilizando de forma guiada diferentes materiais, ferramentas, obxectos, dispositivos e recursos dixitais seguros e adecuados para a consecución do proxecto. C4.2.9 Linguaxe sinxela de programación por bloques e as relacións lóxicas entre eles (executar movementos, sensores, motores, impresión 3D). C4.2.10 Presentación dos proxectos desenvoltos, utilizando diferentes soportes e estratexias de comunicación e explicando de forma oral e escrita as estratexias seguidas.	Bloque 4

Obxectivos	Descrición
OBX1	Expor e dar resposta a cuestións científicas sinxelas, utilizando diferentes técnicas, instrumentos e modelos propios do pensamento científico, para interpretar e explicar feitos e fenómenos que ocorren no medio natural.
OBX4	Identificar as causas e consecuencias da intervención humana na contorna, para mellorar a capacidade de afrontar problemas, buscar solucións e actuar de maneira individual e cooperativa na súa resolución, e para poñer en práctica estilos de vida sustentables e consecuentes co respecto, co coidado e coa protección das persoas e do planeta.
OBX5	Utilizar dispositivos e recursos dixitais de forma segura, responsable e eficiente, para buscar información, comunicarse e traballar de maneira individual, en equipo e en rede, e para reelaborar e crear contido dixital de acordo coas necesidades dixitais do contexto educativo
OBX6	Resolver problemas a través de proxectos de deseño e da aplicación do pensamento computacional, para xerar cooperativamente un produto creativo e innovador que responda a necesidades concretas.

Competencias clave	Clave dos descritores operativos
CCL - Competencia en comunicación lingüística	CCL1, CCL2, CCL3, CCL5
CP - Competencia plurilingüe	CP1, CP2, CP3
STEM - Competencia matemática e competencia en ciencia, tecnoloxía e enxeñaría	STEM1, STEM2, STEM3, STEM4
CD - Competencia dixital	CD1, CD2, CD3, CD4, CD5
CPSAA - Competencia persoal, social e de aprender a aprender	CPSAA1, CPSAA2, CPSAA3, CPSAA4, CPSAA5
CC- Competencia cidadá	CC2, CC4
CE- Compentencia emprendedora	CE1, CE2, CE3
CCEC- Competencia en conciencia e expresións culturais	CCEC4