Descrición

1. "Unha viaxe sorpresa"

— Comunicación ao alumnado da excursión de fin de curso coa planificación da mesma.

— Posta en común (en gran grupo) de forma oral sobre a problemática presentada e reflexión.

— Explicación do reto: construción dunha maqueta dun parque de atracción na aula. Cada grupo elaborará unha atracción.

— Primeira reflexión para o diario de aprendizaxe.

1 sesión

Exploración (coñecementos previos)

2. "Maquinaria a punto"

— Actividade para a creación de grupos de traballo (4 alumnos/as). O profesor entregará unhas tarxetas en sobre a cada alumno/a para facer os grupos. As tarxetas incluirán 6 mulleres científicas. Na guía didáctica inclúese que as tarxetas serán entregadas en sobre pechado ao alumnado atendendo á diversidade.

— Actividade roubar ideas, onde teñen que escribir os seus coñecementos previos sobre as máquinas simples e compostas.

— Realizar actividades interactivas para saber os seus coñecementos previos sobre as máquinas e a vida dixital. 

— Segunda reflexión do diario de aprendizaxe.

2 sesións

Conexión

3. "Un lugar para soñar"

— Teoría sobre as máquinas simples e práctica.

— Teoría sobre as máquinas compostas e práctica.

— Influencia das máquinas compostas na ciencia, medicina e deporte.

— Búsqueda guiada en Internet e Netiqueta.

— Elaborar cada atracción do noso parque por grupos: nora, carrusel musical, canastra, a casa do terror, montaña rusa e vehículo segueliñas.

— Traballar na maqueta por grupos (manualidades, construción e montaxe).

— Programación das atraccións.

— Amosar, por grupos, o traballo ao resto da clase e facer propostas de mellora.

— Comprobar o funcionamento de Troula Park.

— Terceira reflexión do diario de aprendizaxe.

9 sesións

Reto final

4. "Apertura de Troula Park"

— Finalización da maqueta (agrupamento dos diferentes elementos, rótulos).

—  Preparación da exposición oral.

— Cuarta reflexión ao diario de aprendizaxe.

— Presentación e exposición da maqueta.

— Gravar as presentacións para a difusión. 

— O alumnado cubrirá unha enquisa sobre as maquetas.

3 sesións

Conclusión

5. "Conclusións"

— Análise dos datos obtidos da enquisa.

— Conclusións e autorreflexión.

— Reflexión final no diario de aprendizaxe.

1 sesión