Este REA (Recurso Educativo Aberto) foi deseñado para que o alumnado poida adquirir os contidos sobre os ecosistemas a partir da elaboración dunhas maquetas e as infografías correspondentes. Mediante esta actividade traballarán estes contidos dunha maneira diferente, precisan realizar a investigación sobre os ecosistemas, coñecer que é unha infografía e como se elabora, e tamén se traballa a expresión oral, pois deberán presentar os seus traballos na Feira de Ciencia que se celebrará no seu colexio.

Neste REA farase un percorrido polas características principais dos ecosistemas, que elementos o compoñen, a variedade de formas de vida que alberga e as relacións entre elas, a biodiversidade, os tipos de ecosistemas que existen… Estes contidos trátanse segundo unha secuencia didáctica, que pretende ser un eixo condutor para fundamentar a aprendizaxe. A secuencia didáctica baséase na composición dos ecosistemas, factores que inflúen neles, e que os caracteriza, así como podemos favorecer a súa subsistencia.

O alumnado aprenderá o que é unha infografía, para que se empregan, como se elaboran, cal pode ser a súa utilidade...

Outro contido que aprenderán será o que é una maqueta, cal pode ser a súa utilidade na aula, tipos, materiais necesarios, como se elabora...

Nestas idades é moi importante traballar a competencia lingüística, e neste REA é moi importante a expresión escrita e a expresión oral, pois deben elaborar as infografías, e despois terá lugar unha sesión na que deberán presentar o seu traballo, o que investigaron, onde se traballará a expresión oral.

Metas de aprendizaxe

1. Identificar os elementos que compoñen un ecosistema.
2. Clasificar ecosistemas segundo as súas características.
3. Desenvolver habilidades para a procura e selección de información.
4. Traballar en equipo de forma cooperativa para resolver un desafío.
5. Ser quen de deseñar, construír e compartir maquetas (dioramas)  que representen ecosistemas.
6. Mellorar a competencia lingüística e a expresión oral, a través da exposición do seu traballo.