Temporalización prevista en base á programación prevista en PROENS:

En consoancia coa planificación curricular establecida en PROENS, deseñouse unha temporalización detallada que articula as diversas fases da situación de aprendizaxe da área correspondente. Esta planificación estrutúrase nun conxunto de sesións, cada unha dedicada a unha fase específica, co propósito de guiar de maneira organizada e coherente o proceso de ensino e aprendizaxe do alumnado.

Esta planificación temporal proporciona unha visión global do desenvolvemento do área ao longo do tempo, facilitando así a planificación e seguimento axeitado do proceso educativo.

Para visualizar esta distribución temporal, preséntase a continuación unha táboa que relaciona as diferentes fases da situación de aprendizaxe co número de sesións previstas para cada unha, xunto cunha breve descrición do traballo a desenvolver en cada etapa:

Fase	Seccións	Para que?	Temporalización
1. Regreso ao pasado	1.1 Curioseando a época. 1.2 Viva a festa!	Sesión de motivación e presentación do reto a través dun conto como fío conductor. Introdución ao reto.	1/2 sesión
2. Músicas devanceiras	2.1 O mestre Xohán 2.2 Musicamos o branle 2.3 O mordomo Pedro 2.4 Musicamos o minueto 2.5 Por ti mesmo	Activación de coñecementos previos sobre aspectos da linguaxe musical e música e a danza. Introdución á interpretación instrumental con frauta doce das danzas.	3 sesións
3. Pasiño a pasiño	3.1 O baile das cociñeiras 3.2 Bailamos o branle 3.3 O baile do mordomo 3.4 Bailamos o minueto 3.5 Agora ti.	Sesións dedicada á aprendizaxe e interpretación das danzas.	3 sesións
4. O gran evento	4.1 Presentación dun baile	Traballo de creación individual familiarizándose con ferramentas dixitais	1 sesión
5. Daquela, que...?	Rúbrica individual Rúbrica xeral do REA Na diana Rúbrica traballo en equipo	Repasamos (especialmente o reto final) e reflexionamos sobre o aprendido.	1 sesión
6. Diario de aprendizaxe		Reflexión de xeito individual e colectivo sobre o aprendido.	Todas as fases