A área de Educación Física fundamentase na adquisición das capacidades que contribúan ao desenvolvemento persoal e a unha mellor calidade de vida. É unha área que se dirixe ao coñecemento progresivo da conduta motora e á adquisición de actitudes, valores e normas referentes ao corpo e ao movemento.

Esta área participa tamén no consecución de diversos fins educativos na Etapa de Educación Primaria: socialización, autonomía, aprendizaxes básicas e mellora das posibilidades expresivas, cognitivas, comunicativas e lúdicas. A Educación Física está especialmente indicada para integrar todo tipo de alumnado e resulta idónea cara ao tratamento da diversidade na aula, fomenta a coeducación e  promove a igualdade de oportunidades para ámbolos sexos.

Debemos lembrar que a Educación Física non é unha simple aprendizaxe de movementos, senón un camiño cara á educación integral e que utiliza o movemento como axente pedagóxico con diversas funcións: de coñecemento, de organización perceptiva, anatómico-funcional, estético-comunicativa, de relacións persoais, agonística, hixiénica, hedonista, de compensación e catártica.

Este REA contribúe a uns dos obxectivos principais da área: fomentar a adquisición dun estilo de vida activo e saudable, que lle permita ao alumnado chegar a consolidar hábitos e perpetualos ao longo da súa vida. Estes mesmos hábitos de vida saudable son a clave para evitar o sedentarismo e a obesidade contribuíndo a ter calidade de vida. Resulta prioritario inculcar ao noso alumnado que a actividade física ten que estar no presente e no futuro do seu día a día.

Para abordar con posibilidades de éxito as numerosas situacións motrices ás que se verá exposto o alumnado ao longo da súa vida, será preciso desenvolver, de maneira integral, capacidades de carácter cognitivo e motor, pero tamén afectivo-motivacional, de relacións interpersoais e de inserción social. Deste xeito, o alumnado terá que aprender a xestionar as súas emocións e as súas habilidades sociais en contextos de práctica motriz.

O marco curricular que abrangue a esta SA relacionase directamente coa unidade didáctica número 2 correspondente á programación modelo de 5º de Primaria proposta para a área de Educación Física no aplicativo PROENS da Consellería de Cultura, Educación, Formación Profesional e Universidades na Comunidade Autónoma de Galicia.

A continuación expóñense os contidos específicos traballados dentro do recurso:

Contidos	Bloque da materia
Saúde física: Saúde física: Efectos físicos beneficiosos do estilo de vida activo. Saúde física: Impacto dos alimentos ultraprocesados e das bebidas pouco saudables Saúde física: Educación postural en accións motrices específicas. Saúde física: Responsabilidade persoal no coidado do corpo Saúde social: Saúde social: Efectos sociais beneficiosos do estilo de vida activo. Saúde social: Aproximación aos efectos dos hábitos non saudables e influencia na práctica da actividade física. Saúde social: Aceptación de distintas tipoloxías corporais para practicar, en igualdade, diversidade de actividades físico-deportivas. Saúde social: Estereotipos corporais, de xénero e competencia motriz. Saúde mental: Saúde mental: Efectos psicolóxicos beneficiosos do estilo de vida activo. Saúde mental: Consolidación e axuste realista do autoconcepto tendo en conta a perspectiva de xénero. Saúde mental: Respecto e aceptación do propio corpo e do aspecto corporal dos demais.	Bloque 1
Usos e finalidades: catárticos, lúdico-recreativos, competitivos e agonísticos. Actitudes consumistas respecto do equipamento. Análise crítica da adquisición de material para a práctica físico- deportiva. Utilización adecuada e coidado do material, espazos e instalacións na práctica da actividade física. Hábitos autónomos de hixiene corporal e postural en accións cotiás. Uso de ferramentas ou plataformas dixitais. Prevención de accidentes e lesións nas prácticas motrices: quecemento xeral, dosificación do esforzo e volta á calma. Importancia de respectar as normas de seguridade. Compromiso de responsabilidade cara á seguridade propia e á dos demais. Actuacións básicas de primeiros auxilios ante accidentes e lesións durante a práctica da actividade física. Posición lateral de seguridade. Conduta PAS (protexer, avisar, socorrer)	Bloque 2
Toma de decisións: Toma de decisións: Adecuación de accións para o axuste espazo-temporal na interacción cos compañeiros en situacións cooperativas. Esquema corporal Esquema corporal: Estruturación temporal e espazo-temporal, percepción de duracións, de velocidade, de intervalos, de estruturas e de ritmo. Capacidades condicionais: capacidades físicas básicas e resultantes (coordinación, equilibrio e axilidade). Creatividade motriz: Identificación de estímulos internos ou externos que esixan un reaxuste instantáneo da acción motriz.	Bloque 3
Xestión emocional: autoestima, ansiedade e situacións motrices. Estratexias de afrontamento e xestión. Autonomía e autoconfianza: aumento da autonomía persoal, mellora e afianzamento da confianza en si mesmo e nos demais durante a práctica motriz. Concepto de fairplay ou xogo limpo. Identificación e rexeitamento de condutas contrarias á convivencia en situacións motrices (discriminación por cuestións de xénero, de capacidade, de competencia motriz; actitudes xenófobas, racistas ou de índole sexista; abuso sexual ou calquera forma de violencia).	Bloque 4
Usos comunicativos da corporalidade: comunicación de sensacións, sentimentos, emocións e ideas complexas.	Bloque 5
Normas de uso: a educación viaria desde a actividade física e deportiva. Transporte activo e sustentable: bicicletas, patíns, patinetes. Construción e reutilización de materiais para a práctica motriz, fomentando a sensibilización sobre a xeración de residuos.	Bloque 6

Os obxectivos da materia que se traballan neste REA son os que seguen:

Obxectivos	Descrición
OBX 1	Adoptar un estilo de vida activo e saudable, practicando regularmente actividades físicas e deportivas e adoptando comportamentos que potencien a saúde física, mental e social, así como medidas de responsabilidade individual e colectiva durante a práctica motriz para interiorizar e integrar hábitos de actividade física sistemática que contribúan ao benestar.
OBX 2	Adaptar os elementos propios do esquema corporal, as capacidades físicas, perceptivo-motrices e coordinativas, así como as habilidades e as destrezas motrices, aplicando procesos de percepción, decisión e execución adecuados á lóxica interna e aos obxectivos de diferentes situacións, para dar resposta ás demandas de proxectos motores e de prácticas motrices con distintas finalidades en contextos da vida diaria.
OBX 3	Desenvolver procesos de autorregulación e interacción no marco da práctica motriz, con actitude emprática e inclusiva, facendo uso de habilidades sociais e actitudes de cooperación, respecto, traballo en equipo e deportividade, con independencia das diferenzas etnoculturais, sociais, de xénero e de habilidade dos participantes, para contribuír á convivencia social e ao compromiso ético nos diferentes espazos en que se participa.
OBX 4	Recoñecer e practicar diferentes manifestacións lúdicas, físico-deportivas e artístico-expresivas propias da cultura motriz, valorando a súa influencia e as súas achegas estéticas e creativas á cultura tradicional e contemporánea, para integralas nas situacións motrices que se utilizan regularmente na vida cotiá.
OBX 5	Valorar diferentes medios naturais e urbanos como contextos de práctica motriz, interactuando con eles, comprendendo a importancia da súa conservación desde un enfoque sustentable e adoptando medidas de responsabilidade individual durante a práctica de xogos e actividades físico-deportivas, para realizar unha práctica eficiente e respectuosa coa contorna e participar no seu coidado e mellora.

A continuación inclúense os descritores das competencias clave que marca a normativa vixente e que son traballadas neste recurso.

Competencias clave	Clave dos descritores operativos
Competencia en comunicación lingüística (CCL)	CCL1 e CCL5
Competencia matemática e competencia en ciencia, tecnoloxía e enxeñaría (STEM)	STEM1 , STEM2 e STEM5
Competencia dixital (CD)	CD3
Competencia persoal, social e de aprender a aprender (CPSAA)	CPSAA1, CPSAA2, CPSAA3 E CPSAA5
Competencia cidadá (CC)	CC2 e CC3
Competencia emprendedora (CE)	CE 3