Unidad Central de Operaciones (UCO)

Este é o REA (Recurso Educativo Aberto) número 3  -dun total de 7-  elaborado no proxecto cREAgal para a materia de Matemáticas de 1º de Educación Secundaria Obrigatoria.

A situación de aprendizaxe desenvolvida ten como obxectivo principal a aprendizaxe das operacións con fraccións e números decimais, así como de problemas contextualizados nos que se empregan estes números. Ademais, promove o desenvolvemento de destrezas persoais e socioafectivas vinculadas ao bloque do sentido socioafectivo do currículo.

Ao longo do recurso formularáselle ao alumnado unha serie de retos baseados nunha trama novelesca de intento de asasinato por mor dunha herdanza. Como produto final, terán que elaborar unha historia onde entren en xogo as fraccións e os números decimais para a resolución desta nova trama ideada por eles.