A lírica

A lírica é a forma literaria idónea para a expresión dos sentimentos do autor. Lingüisticamente vén marcada polo predominio, xunto coa función poética, da función expresiva da linguaxe. É o xénero literario mediante o que se expresan os sentimentos ou reflexións a partir dunha actitude íntima, dende a que o poeta interpela a realidade. O seu obxectivo non é representar a realidade externa, nin a relación humana con ela, aínda que non sexa estraña a ela nin aos seres e ás cousas que a conforman.