A idea de cidadanía

A idea de cidadanía expresa fundamentalmente un tipo de vínculo do individuo coa comunidade política á que pertence, e que lle serve para identificarse. Pero a identidade política do cidadán úneo aos demais cidadáns nunha relación de igualdade, á vez que o separa e o distancia dos non-cidadáns a modo de “fronteira” de inclusión/exclusión. Esta dialéctica entre cidadáns e non-cidadáns é importante para entender moitos dos conflitos e loitas socio-políticas tanto do pasado coma do presente.