Galegas polo mundo!

Este é o REA (Recurso Educativo Aberto) número 2 -dun total de 4- elaborado no marco do proxecto cREAgal para a materia de Educación Física de 2º de Educación Secundaria Obrigatoria.

A situación de aprendizaxe desenvolvida ten como fío condutor o coñecemento das danzas tradicionais, os xogos populares e a expresión corporal como medio de coñecemento e diálogo entre a cultura galega e outras culturas do mundo.

No reto proposto, o alumnado creará unha emisión en directo para presentar danzas e xogos tradicionais, galegos e internacionais, asumindo distintos roles, traballando de forma colaborativa e desenvolvendo habilidades motrices, expresivas, comunicativas e sociais.