Esbozo dixital
Non vos preocupedes... non é preciso chamar a ningún arquitecto ou enxeñeiro para facelo! Ímolo a realizar nós mesmos/as. O único que necesitamos é ter instalado o programa de debuxo KolourPaint no noso equipo (ven cargado por defecto nos ordenadores do alumnado con maqueta ABALAR). Se empregades outro dispositivo para realizar a actividade podedes descargar o programa de maneira gratuita na súa páxina oficial picando no seguinte enderezo:
Agora ben, se xa tedes todo en orde non perdades ollo do seguinte titorial onde se explica pasiño a pasiño como é o procedemento para elaborar os planos da nosa frauta de pan antes de comezar coas manualidades. Imos aló!
De seguro que xa alguén se decatou dunha estraña coincidencia... sabedes de que estou a falar, non? En efecto! O código de cores que estamos a empregar para traballar cos SONOCOLORES segue o mesmo patrón que fai o arco da vella. Isto non é casualidade, por suposto que non. Estableceuse así para que todos/as poidamos ter unha referencia clara... por se algún día non nos lembramos, e tamén porque estamos afeitos/as a miralo en calqueira parte do mundo. Porque como sabedes, as cores do arco da vella (como as notas da escala musical) seguen sempre a mesma orde!