Convencer con palabras
O principal obxectivo dos textos argumentativos é convencer ás persoas que reciben a mensaxe sobre un punto de vista ou unha opinión, utilizando razóns e evidencias.
Exemplos: ensaios, artigos de opinión, editoriais, discursos persuasivos...
Estrutura:
Tese
A idea principal ou posición que se defende no texto.
Exemplo: "O uso do teléfono móbil nas aulas debe estar permitido con fins educativos."
Argumentos
As razóns ou evidencias que apoian a tese.
Exemplo: "Co móbil pódense facer actividades interactivas, buscar información ao momento ou gravar explicacións."
Refutación
A consideración de posibles obxeccións ou contraargumentos.
Exemplo: "Non está demostrado científicamente que o uso do móbil na aula sexa o culpable da adicción aos videoxogos"
Conclusión
Resumo dos puntos principais e reafirmación da tese.
Exemplo: "Por tanto, co uso adecuado e supervisado, o móbil pode ser unha ferramenta útil na aprendizaxe."
Lectura facilitada
Os textos informativos son os que nos achegan coñecemento sobre un acontecemento, un asunto ou un tema concretos.
Son os textos que lemos, polo xeral, en xornais, revistas, enciclopedias ou manuais. Ou ben que escoitamos nos informativos de televisión, nunha charla ou conferencia sobre un tema determinado.
A función principal dun texto informativo é dar a coñecer algo.
Características:
Obxectividade
Os textos informativos deben ser imparciais e basearse en feitos.
Claridade
A información debe ser clara e comprensible.
Precisión
Os datos presentados deben ser correctos e detallados.