Os responsables da fundación Intelligere necesitan amosar a un grupo de visitantes dun instituto como a intelixencia artificial forma parte da nosa vida diaria. O voso reto é describir como a IA intervén na vida cotiá e explicar como as súas innovacións están integradas nas nosas rutinas. A través dun traballo en equipo, elaboraredes un texto que non só reflicta o voso coñecemento e talento, senón que tamén esperte a curiosidade dos visitantes.

Obxectivo

Redactar unha descrición en formato de horario sobre a presenza da IA na vida diaria.

Instrucións

Cada grupo debe engadir un exemplo de presenza da IA no desenvolvemento habitual dunha das franxas horarias indicadas.

As franxas horarias son:

• Primeira hora da mañá (7:00 - 9:00)
• Mañá (10:00 - 12:00)
• Mediodía (13:00 - 15:00)
• Primeiras horas da tarde (16:00 - 18:00)
• Últimas horas da tarde (19:00 - 21:00)
• Primeiras horas da noite (22:00 - 24:00)
• Noite (00:00 - 7:00)

Dinámica

A actividade está deseñada para un grupo de 28 alumnos divididos en 7 grupos.

1. Explicación (5 minutos): Cada grupo recibe unha folla en branco ou un documento dixital titulado “A IA hora a hora”.
2. Roldas de escritura (30 minutos): Por quendas, cada grupo engade información sobre a presenza da IA na franxa horaria asignada. Cada rolda dura 4 minutos, deixando un marxe final para correccións.
3. Revisión e síntese (5 minutos): Cada grupo recibe de novo o documento co que comezou e revisa o contido para corrixir erros, unificar o estilo e garantir a coherencia.
4. Presentación grupal (10 minutos): O portavoz de cada grupo expón as achegas realizadas e, a continuación, debátese en conxunto sobre os documentos elaborados.

Exemplo para a franxa de primeiras horas da tarde (16:00 - 18:00)

• 16:15 - Aplicacións de tradución automática: Durante o visionado dunha serie en inglés, emprego tradutores en liña como Google Translate para comprobar o significado de palabras ou frases en tempo real.
• 16:45 - Recomendacións personalizadas en plataformas educativas: Na aplicación Duolingo que estás a empregar no móbil, a actividade é monitorizada por IA para adaptar as actividades e exercicios ás túas necesidades.
• 17:30 - Búsquedas con asistentes virtuais: Para escoller musica de fondo para realizar tarefas emprego recomendacións xeradas por unha IA para atopar rápidamente o tipo de música que desexo.

Orientacións e adaptacións

• Axustar as franxas horarias: As franxas propostas poden modificarse en función do tamaño e organización da aula.
• Facilitar a formación de grupos: Recoméndase que os grupos sexan diversos e equilibrados.
• Ofrecer exemplos: Propor exemplos de aplicacións de IA para inspirar ao alumnado.
• Monitorizar o progreso: Circular pola aula durante as roldas de escritura para observar a dinámica de grupo e ofrecer apoio cando sexa necesario.
• Promover a reflexión: Finalizar a actividade cunha discusión sobre o aprendido e a relevancia da IA na vida diaria.
• Avaliar de forma xusta: Utilizar rúbricas e listas de verificación para proporcionar retroalimentación construtiva.