Fase de definición do problema e análise

  É un paso decisivo  no proceso de deseño. Definir as necesidades que se van cubrir co produto, que obxectos parecidos existen xa,  que tipo de usuarios potenciais terá, aspectos ecolóxicos e de relación coa contorna, factores económicos, de transporte, etc.  Así mesmo hai que marcar os límites ou restricións como normativas, condicionantes de fabricación, etc.

  O briefing é un documento que se emprega no deseño para obter información sobre a empresa ou cliente que encarga un traballo ou produto. Neste vídeo Cómo hacer un briefing para un cliente de  Diana Fernández podes ver máis información sobre este formulario.

Solucións ao problema

Os deseñadores deben atopar as solucións posibles ao problema creado. Existen varias metodoloxías ou técnicas que se poden empregar para xerar ideas como a tormenta de ideas ou brainstorming, as listas controis, diferencias semánticos, os  mapas mentais, grupos de discusión, entrevistas...

• Brainstorming: é unha metodoloxía para traballar en grupo ou de forma individual  o desenvolvemento de ideas. Durante un espazo de tempo controlado os membros do grupo aportan as ideas que se lles ocorran sen que se analicen ou se xulguen no momento.
  Listas de control: é unha lista de preguntas sobre diversos aspectos do produto que serve como límite para a súa concepción e desenvolvemento.
• Diferenciais semánticos: son unha forma de medir o valor connotativo dun produto ou dunha imaxe.
• Mediante enquisas ou outras técnicas sociolóxicas preténdese recoller información psicolóxica de determinados aspectos da percepción dos usuarios.

Estudo da viabilidade: proceso e custe de fabricación.

Estudos detallados dos aspectos técnicos, funcionalidade e comercialización.

Fase de desenvolvemento

Elaboración da proposta

Bosquexos con diferentes propostas de cores, texturas, tipografías, etc.

Creación  de modelos ou maquetas e, finalmente de prototipos para avaliar o produto.

Fase de avaliación

 O produto sométese a probas físicas, mecánicas, térmicas, etc.

Elena Samartino (Fotografía). Pinzas Tong. André Ricard (CC BY-NC-SA)

Fase de execución

É a fase final de realización do produto.

 

Elena Samartino. Pinzas Tong. André Ricard (CC BY-NC-SA)