Le e escribe

Despois de ler a información sobre algúns dos teóricos máis importantes sobre a metodoloxía do deseño, fai un resumo das ideas máis importantes.

Información

O deseño non é só o produto final, senón que é un proceso con fases que abarcan dende a identificación da necesidade ata o resultado final. Deseñar é unha tarefa difícil que require dunha planificación o máis ordenada posible. Así, o emprego dunha metodoloxía dará paso a un traballo máis eficiente e a uns mellores resultados.

Queres saber que ten que ver unha receita de cociña co proceso de deseño?

Bruno Munari emprega o símil da receita de cociña para explicar o proceso de deseño.

Definición de problema> Arroz verde con espinacas para catro persoas
Elementos do problema>arroz, espinacas, xamón, aceite, sal, pementa.
Recopilación de datos> alguén xa o fixo antes?
Análises de datos>como o fixo? Que podo aprender de el?
Creatividade> como se pode conxugar todo dunha forma correcta?
Materiais e tecnoloxía> que arroz? que pota? que lume?
Experimentación> probas e ensaios.
Modelos>mostra definitiva.
Verificación> ben. vale para catro persoas.
Debuxos construtivos
Solución= arroz verde servido nun prato quente.

Bruno Munari: ¿Cómo nacen los objetos? Apuntes para una metodología proyectual. Editorial Gustavo Gili,2004. Páx.64. (Tradución propia)

Busca

Busca información sobre Bruno Munari e escribe un texto sobre a súa labor artística e profesional. Podes consultar esta páxina sobre a exposición da súa obra en España.