5.- Actividades de ampliación e motivación

"Reciclemos": A que colector vai?

Xogo de preguntas e respostas para individualmente ou en grupos comprobar canto sabedes sobre a reciclaxe debendo elexir de que cor é o colector ao que debedes botar ese residuo...

O obxectivo de esta actividade é -ademáis de servir como elemento motivador- que o alumnado repase a teoría dende a páxina de Ecoenbes ou no caso de non atopar a resposta investiguen usando os buscadores de internet.

Páxina recomendada sobre a reciclaxe: Ecoenbes .

Buscadores que recomendamos para buscar a información:

Google.
DuckDuckGo (ten como ventaxa unha maior privacidade pois evita que se garden cookies).
Ecosia (en teoría os beneficios de este buscador destínanse a plantar árbores).

Tamén podedes empregar a enciclopedia libre e colaborativa Wikipedia nas diferentes linguas:

Xosé Antón Vicente Rodríguez. "Reciclemos" realizado con Genially (Conta EDU-PRO)

Repaso teoría: Tipos de colectores

Breve resume do tipo de residuos que van a cada colector segundo a cor:

Retroalimentación

Dentro do colector amarelo, debemos depositar: botellas e envases de plástico, envases metálicos e brics.
No colector azul botamos: papel e caixas de cartón. Envases de alimentación, calzado, produtos conxelados, papel de envolver, papel de uso diario, etc.
No colector verde depositamos: botellas de vidro (de licores, viño, cava, cervexa, etc.); frascos de vidro (de perfume, colonia, cremas, etc.); tarros de alimentos (de marmelada, conservas, vexetais e similares).
Ao colector marrón van os restos de alimentos como peles de froitas, espiñas de peixe, plantas, cascas de ovo, servilletas e papel de cociña usados, pode facerse compost.
No colector gris debemos depositar todo tipo de residuos coma panos usados, xoguetes, biberóns, chupetes, utensilios de cociña, cueiros, obxectos cerámicos, area para mascotas, pelo, pó, cabichas, etc. Xa non se pode utilizar para facer compost.

Nota para os docentes

Retroalimentación

A cotío facemos preguntas aos nosos alumnos e alumnas como parte da súa aprendizaxe. Con elas buscamos a reflexión, espertar novas inquietudes e o sentido crítico apoiándonos ademais no uso da tecnoloxía.

A importancia do traballo con preguntas é que permite involucrar aos alumnos, cunha retroalimentación inmediata coa que conseguimos aumentar a motivación. Fomentaremos a creatividade e a resolución de problemas se facemos as preguntas de xeito individual, fomentaremos a mellora de vínculos se as facemos por parellas ou podemos desenvolver a interacción cooperativa se as resolven entre todo o grupo.

É importante ofrecer sempre un reto, as cuestións non teñen que ser máis difíciles senón diferentes.

As cuestións serán breves, que se podan resolver dun xeito áxil. Recomendamos o uso de buscadores para resolvelas co cal é moi importante traballar a capacidade de síntese e ser quen de utilizar as palabras clave de cada pregunta para que o resultado sexa o buscado.

Licenciado baixo a Licenza Creative Commons Recoñecemento Non-comercial Compartir igual 4.0

« Anterior | Seguinte »