Saltar navegación

3.2.3.- A aplicación PSeint

Moita xente do mundo da programación traballa directamente con pseudocódigo. Porén é moi útil a visión xeral que nos dá un diagrama de fluxo. O mellor é empregar ambas ferramentas, deseñando en diagrama o que pasamos despois a pseudocódigo ou ao revés.

Para traballar con pseudocódigo e diagramas en paralelo, podemos empregar algunha ferramenta específica. Xa vimos que existen moitas aplicacións para deseñar diagramas de fluxo. Non hai tanta variedade de ferramentas sinxelas que permitan o traballo con diagramas de fluxo e pseudocódigo en paralelo. Unha desas ferramentas, sinxela e de gran utilidade é PSeint.

Que é PSeint?

Logotipo de PSeint

PSeInt é unha ferramenta para aprender a lóxica da programación dirixida a persoas sen experiencia neste campo. É totalmente gratuíto e libre, cunha licenza GPL. Emprega unha pseudo-linguaxe intuitivo simple e limitado e en castelán. Mediante Pseint podemos comezar a comprender conceptos básicos e fundamentais dos algoritmos computacionais.

 

Para que serve PseInt?

PSeInt está deseñado para axudar na construción de algoritmos ou programas informáticos. O pseudocódigo adóitase utilizar como primeiro contacto para introducir conceptos básicos como o uso de estruturas de control, expresións, variables, etc., sen ter que xestionar as peculiaridades da sintaxe dunha linguaxe real.


Portada da páxina de PSeint. (páxina web)

Descarga do programa

O programa pode instalarse en Linux, Windows ou Mac OS. Descárgase na seguinte dirección:

Acceso á páxina de descarga de PSeint nunha nova ventá: http://pseint.sourceforge.net/?page=descargas.php

Neste vídeo explícase o proceso de descarga e instalación de PSeint en Windows

RoPeDCRAFTP lol en Youtube..Como descargar e instalar PSeint para pc. Licenza estándar de Youtube.

Para o sistema Ubuntu, a descarga e instalación explícase nestoutro vídeo:

Variedades Linux en Youtube. Como Descargar Pseint en Linux Ubuntu. Licenza estándar de Youtube

Características fundamentais

Podemos ver as principais funcionalidades da aplicación directamente na súa páxina que incluímos a continuación:

Características de PSeint. (Da súa páxina web)

 

PSeint é un programa libre que se distribúe baixo licenza GNU GENERAL PUBLIC LICENSE v2.

PSeInt - copyleft 2003-2017 (por Pablo Novara - zaskar_84<arroba>yahoo.com.ar)