A etapa de laminado convirte un modelo 3D nun arquivo que a impresora pode interpretar ou, o que é o mesmo, convirte un arquivo .stl nun arquivo .gcode. Para facer esta transformación podemos usar:
un software de laminado específico como Cura ou Slic3r
ou ben o software Repetier Host, un programa que leva integrados os dous anteriores e ademais controla e transmite os datos desde o arquivo .gcode para ser fabricados pola impresora, xa sexa desde unha conexión USB ou almacenando os datos na tarxeta de memoria da impresora.
Dependendo da configuración do ordenador pode suceder que cando descarguemos o arquivo .stl desde Blockscad se abra automáticamente en RepetierHost ou que teñamos que abrilo manualmente. Para isto, desde o menú podemos acceder a Arquivo->arquivo (imaxe 1) ou facer clic na icona arquivo da barra de ferramentas (imaxe 2):
Unha vez cargado o arquivo, a peza visualizase na área de impresión. Na pestana Obxectos podemos comprobar se existe algún erro no arquivo e se así é, reparalo facendo clic na icona situada ao lado da mensaxe:(Clic para ampliar)
Na ventana Slicer preséntanse varias opcións que debemos escoller:
Slicer: no despregable elixese o software que empregaremos para laminar a peza. No noso caso sempre será Slic3r.
Print Setting: ou configuración de impresión, determina a calidade da impresión. Para os nosos deseños podemos seleccionar Simple Mode ou Calidade Normal para prototipos e Calidade Boa ou Calidade Excelente para imprimir pezas definitivas.
Extrusor 1: neste despregable eliximos o tipo de material do filamento, que no noso caso será sempre PLA.
Se activamos a opción Override Slic3r Settings podemos modificar os seguintes parámetros:
Enable Support: crea as estruturas de soporte necesarias para a impresión, para soportar por exemplo, partes voladizas. Por defecto, manterase sempre activado.
Layer Height: ou altura da capa podemos elixir un valor comprendido entre 0.1 e 0.4. O valor máis pequeno determina unha mellor calidade de impresión, pero o proceso é mais lento. O valor 0.2 amosa un compromiso aceptable entre calidade e tempo suficiente para a maioría de deseños.
Densidade de Recheo: o valor 0% da lugar a unha peza completamente oca no interior, formada só pola capa externa, mentres que o valor 100% orixina unha peza maciza que consome moito material e os valores intermedios crean un patrón de recheo máis ou menos denso. Os valores comprendidos entre 20% e 30% son adecuados para a maioría das nosas impresións.
Patrón de Recheo: permite elixir entre diferentes formas de recheo. A forma Honeycomb ou panal de abella é moi empregada, pero podemos probar outras opcións.
Patrón de recheo sólido: indica como se forma a capa externa da peza. Podemos deixar por defecto rectilinear ou probar outras opcións.
Unha vez elixidos os parámetros de laminación que van determinar como se fai a impresión, presionamos o botón Slice con Slic3r e agardamos que remate o proceso.(Clic para ampliar)
Cando remata o proceso de laminado, ábrese a ventana Print Preview.
Nela podemos observar os botóns:
Imprimir: da comezo á impresión.
Gardar en Arquivo: garda o arquivo gcode no cartafol do ordenador que lle indiquemos ou en calquera outro dispositivo de memoria.
Save for SD Print: se queremos empregar a tarxeta de memoria da impresora no canto de ter conectado o ordenador, é necesario gravar o arquivo .gcode mediante este botón.
O apartado Estatísticas de Impresión mostra o tempo estimado de impresión, o número de capas que se imprimirán, o total de liñas que forman estas capas e a lonxitude de filamento necesario.
Visualización indica como se mostrará no ordenador o proceso de impresión no RepetierHost. Se desactivamos a opción Show Travel Movements, desaparecerán as liñas verdes da imaxe representada na área de impresión.
Antes de lanzar a impresión, comproba que a impresora está conectada ou fai clic na icona correspondente da barra de ferramentas.(Clic para ampliar)
