Para situar as formas 3D do Blockscad en puntos diferentes ás opcións que se ofrecen, débese empregar a instrución trasladar que se atopa no bloque transformacións combinada coa que define a forma 3D. É importante ter en conta:

• que o que se traslada é o centro da figura
• que podemos trasladar a figura a calquera dos 8 cadrantes do sistema de coordenadas, mediante a combinación de valores positivos e negativos de x, y e z.
• que en Blockscad a parte positiva dos eixes vese como unha liña case continua mentres que a negativa semella unha liña de trazos.

Observa as seguintes imaxes:

		A esfera vermella trasladouse a un punto situado na parte positiva dos eixes x, y e z. A esfera azul trasladouse a un punto situado na parte negativa do eixe x e positiva dos eixes y e z. A esfera amarela trasladouse a un punto situado na parte negativa dos eixes x e y, e á positiva do eixe z. A esfera verde trasladouse a un punto situado na parte positiva dos eixes x e z, e negativa do eixe y.
Eixes en Blockscad. Raquel Rendo. Commons Wikimedia. CC BY-NC-SA 4.0	Esferas trasladadas en Blockscad. Raquel Rendo. Commons Wikimedia. CC BY-NC-SA 4.0