Linguaxe Musical
A partitura
Unha vez que xa a sabemos, imos traballar un pouco coa partitura.
O compás. As ligaduras de expresión.
Como podes ver na partitura, o compás que empregamos nesta ocasión é o 2/4. Despois de todo o que xa aprendimos, lembra que este compás está representado por unha fracción na que o numerador indica que o número de pulsos é 2, e o denominador indica que a figura deses pulsos é a negra.
Na partitura tamén aparecen as ligaduras de expresión. Lembra que estes signos nos indican que non se fan respiracións durante a súa duración.
A tonalidade.
Igual que no mundo das cores existen diferentes tonalidades dunha mesma cor, na música ocorre o mesmo.
Este debuxo, é o mesmo?
Si que o son, pero con diferentes tonalidades.
Unha mesma melodía pode ser cantada a diferentes alturas, pero segue sendo a mesma. Compróbao no audio que segue!
Isto é o que se chama tonalidade!
Ademais da tonalidade, existe outra ferramenta para darlle cor á música. É o que nos permite facer cancións alegres ou tristes: chámase modalidade. Esta que estamos cantando, que vos parece? Soa triste, por iso é menor, mentres que se soara alegre sería maior.
Comproba a diferencia escoitando o audio!
A escala que empregamos nesta canción é a de La menor. Practícaa axudándote do audio.
O tempo.
Como xa vimos, existen termos que nos indican a velocidade dunha partitura (se queres lembralos, vai a "Preparativos da viaxe"), pero tamén hai outros que a modifican durante a mesma.
Os máis empregados son:
- rit: abreviatura de ritardando, que significa reducindo a velocidade pouquiño a pouco.
- accel: abreviatura de accelerando, que significa aumentando a velocidade gradualmente.
Nesta canción, aparece o segundo, xa que cada repetición hai que facela un pouquiño máis rápida.
A forma musical
Lembra que a forma musical é como está estruturada unha canción.
Esta canción ten unha forma moi sinxela. Está constituída únicamente por 1 parte, que se repite 4 veces, polo tanto a súa forma sería: AAAA.
Compróbao na partitura que segue:
Licenciado baixo a Licenza Creative Commons Recoñecemento Non-comercial Compartir igual 4.0