Danza

Danzas tradicionais galegas

Ocultar

As danzas máis coñecidas en Galicia son as seguintes (se premes no nome verás vídeos dos bailes):

  • A muiñeira: é un dos bailes máis característicos. A palabra deriva de muíño, e ven dada polo costume de cantar e bailar os mozos cando ían moer o gran. Ten dúas seccións que se repiten para dar paso o baile. Existen dúas variantes, a muiñeira vella (a máis antiga e cun ritmo característico de pandeireta, e o número de bailaríns é fixo) e a muiñeira nova (a máis popular, nun ritmo rápido de 6/8 e o número de parellas é ilimitado e máis improvisada). No baile normalmente unha parella facía o "punto" (o paso) e despois as demais repetíano. Como é o xénero máis importante, xurdiron variantes como a carballesa, a ribeirana, a redonda, o contrapaso, entre outras. 

 

  • A pandeirada: toma o nome do toque de pandeiro. É habitual que sexa cantada por mulleres: unha soa canta os dous primerios compases e o resto enlazan a continuacion. É moi parecida á muiñeira no baile.

 

  • A alborada: composición instrumental en 2/4 que se usa para comezar as celebraciósn do dia. Moi parecida ás pasarrúas ou pasacorredoiras.

 

  • A xota: é un ritmo moi áxil en 6/8 e baílase moi similar ao modelo aragonés, pero sen levantar tanto os pés. 

 

  • As foliadas: bailes de festa, co esquema da xota, pero interprétanse cantadas.

 

  • As danzas das espadas: de orixe medieval. Os bailaríns vístense de branco cunha banda azul cruzada no peito e coas espadas suxeitas con cintas aos pulsos. O baile é en parellas coas mans arriba, sendo o movemento da muller máis lento, mentres que os homes saltan arredor, terminando sempre nunha roda. 

Actividade despregable sobre as danzas galegas

Ocultar

Le e completa:

A danza máis característica de Galicia é a . Baílase en e está nun compás de . Ten dúas variantes: a e a . A ten un número  de parellas, mentres que na é . Cada paso que se fai recibe o nome de .

A provén de Aragón, e o seu baile é moi similar, pero en Galicia non se levantan tanto os .

Outra danza importante é a , que se fai sempre para comezar as festas. Está en compás de . 

A pandeirada é cantada por acompañadas de . 

A danza típica en pobos como Redondela ou Marín é a danza das , que se fan nas festas de Corpus. 

Habilitar JavaScript

O baile de canto de roda

Ocultar

Para acompañar o canto de roda que estivemos a traballar, imos practicar unha pequena coreografía. 


Os pasos a seguir son:

  • 1º paso: colocámonos nunha roda agarrados polas mans e camiñamos a pulso. Na primeira parte cara a dereita, e cambiamos o sentido na 2ª parte.

  • 2º paso: damos media volta, quedando de costas, e despois outra media para quedar como estabamos.

  • 3º paso: damos un paso para adiante, outro para atrás e media volta, quedando de costas.

  • 4º paso: unha media volta, e despois unha volta enteira, quedando para dentro da roda.

  • 5º paso: facemos unha pequena reverencia, as nenas agochando os xeonllos, e os nenos inclinándose cara adiante.



Como vedes os pasos van seguindo a letra do que cantamos, así que é moi sinxela. O baile vai acelerándose como o fai a canción.


Para practicar aquí vai un vídeo demostrativo:

 

Licenciado baixo a Licenza Creative Commons Recoñecemento Non-comercial Compartir igual 4.0