Instrumentos

Os nosos instrumentos tradicionais son moitos e moi variados. Moitos deles, seguro que xa os coñecedes. Imos repasalos e coñecer algún novo, seguindo a clasificación por familias que xa coñecemos:

Cordófonos: non son os máis habituais, exceptuando a zanfona e o violín.

Zanfona: é un instrumento moi antigo (procede do organistrum, que aparece no Pórtico da Gloria da Catedral de Santiago). Foi recuperada por Faustino Santalices. A súa forma é similar a un violín tumbado, pero as cordas soan cando son fretadas por outra corda que se move cando se xira unha manivela.

Violín: ten a mesma forma que o violín que xa vimos en Polonia. Chegou a Galicia de mans de peregrinos, e pasaron a mans de cegos e esmoleiros. Como é un instrumento moi difícil, era moi habitual que soase desafinado. Hoxe en día estase a recuperar o seu uso nas formacións de música folk.

Aerófonos: instrumentos de vento entre os que destacan:

Gaita de fol: compónse dun fol, que se enche de aire, un punteiro, onde se fai a melodía, e dous tubos (roncón e ronqueta) que fan as notas largas (notas pedal).

  Clarinete          Acordeón

Idiófonos: dentro desta familia, destaca o uso de utensilios da vida cotiá como cunchas, botellas de anís, entre outros, para acompañar os cantos tradicionais.

Cunchas: son dúas cunchas de vieiras rascadas unha contra a outra, para acompañar as pezas.

Tarrañolas: dúas lamelas de madeira que soan ao entrechocar entre elas. 

Charrasco: consiste nun mango longo de madeira, que na súa punta leva ferreñas, e que soa ao entrechocar o pau contra o chan. Pouco empregado hoxe en día.

Membranófonos: dentro desta familia destacan:

Bombo: gran cilindro de madeira con dúas membranas de pel. Tócase cunha maza e é o que leva o ritmo principal, acompañando á gaita.

Tamboril: parecido o bombo pero de menor tamaño e de son máis agudo e tócase con dúas baquetas.

Pandeiro: ten forma cadrada ou redonda cunha membrana; tócase apoiándoo nunha man e tanxendo coa outra, e coa man de apoio tamén golpes sinxelos.

Pandeireta: tradicionalmente só o tocaban as mulleres; consiste nun aro de madeira con ferreñas (círculos metálicos que soan ao entrechocar entre eles). Tócase de diferentes maneiras, segundo a zona de Galicia.