Saltar navegación

Dálle a volta á violencia machista

gal / 25 novembro, Día Internacional da Eliminación da Violencia contra a Muller

Contribuiremos á Campaña de Concienciación contra a violencia machista coa creación de dúas pirámides: unha pirámide da violencia e outra pirámide da igualdade.

O AMOR NON DOE

Paso 1

1. Traballo individual.

Cubre o seguinte cuestionario con sinceridade. Debes marcar cruces nos recadros das afirmacións coas que te identificas. Dividimos a clase en dous grupos, as rapazas por un lado e os rapaces por outro.    

        Yolanda Varela, O amor non doe, (CC-BY-SA)
Como é a túa relación afectiva ideal?

CUESTIONARIO RAPAZAS

                        

  Moléstalle que pases tempo cos teus amigos e

   amigas.

Diche como debes vestir para gustarlle máis.

Investiga as túas redes sociais e o teu teléfono

   móbil para saber todo de ti.

Pregunta constantemente polos teus horarios e

   quere saber sempre onde estás.

Sabe como lograr que accedas sempre aos seus 

    desexos.

Ti sénteste incompleto/a sen a túa parella.

Cando estades con máis amigos e amigas, a súa.

    opinión é máis importante que a túa.

Usa a chantaxe emocional contigo e se non fas o   

que che pide, enfádase.

CUESTIONARIO RAPACES    

              

Non entendes que a túa parella prefira pasar 

   tempo cos seus amigos e amigas en vez de estar

   contigo.

Non che gusta ver a túa parella falando a soas con

   outra persoa.

Queres que vista como a ti che gusta.

Pensas que tes dereito a ver o seu teléfono móbil.

Entendes que debe comunicarte sempre onde está.

Queres ser imprescindible para a túa parella.

A túa opinión é máis importante que a da túa

   parella.

Usas a chantaxe emocional coa túa parella e

   enfádaste se non fai o que ti queres.

                      

2. Traballo en grupo / Posta en común.

Traballamos en grupos mixtos. Debemos ter unha copia das enquisas anteriores ou velas proxectadas na pantalla.

1. Reflexionamos

a. Que actitude ten unha persoa que marque a maioría das cruces do cuestionario RAPACES? Como será o seu comportamento na parella? Podemos atopar exemplos deste comportamento en series, xogos, na TV ou na rede? E na vida real? Coñecemos algún caso? Cales son as características que é máis frecuente observar? E as que menos? Como son vistas socialmente esas características, dun xeito positivo ou negativo? Poderíamos dicir o nome dalgún personaxe de ficción ou dalgunha celebrity, que se identifique con ese perfil?

b. Que actitude ten unha persoa que marque a maioría das cruces do cuestionario RAPAZAS? Como será o seu comportamento na parella, corresponderase cunha persoa moi activa e dinámica ou máis ben pasiva e insegura? Podemos atopar exemplos deste comportamento en series, xogos, na TV ou na rede? E na vida real? Coñecemos algún caso? Cales son as características que é máis frecuente observar? E as que menos? Como son vistas socialmente esas características, dun xeito positivo ou negativo? Poderíamos dicir o nome dalgún personaxe de ficción ou dalgunha celebrity, que se identifique con ese perfil?

2. Creamos

Unha vez feita a reflexión, cada grupo debe crear por escrito unha situación que reflicta unha relación tóxica, é dicir, unha relación afectiva na que unha parte da parella exerza o control e dominio sobre a outra parte. A continuación debemos representar esa mesma situación, pero tal e como se desenvolvería nunha parella que manteña unha relación afectiva e igualitaria.

3. Representamos

Representamos as situacións creadas ante o resto  da clase.

4. Poñemos en común

1. Que modelos e estereotipos de muller moza e home mozo se representaron nas relacións tóxicas e cales nas igualitarias? Podemos anotalos no encerado.

2. Cal queremos ser nós? Cal queremos que sexa a nosa parella ideal? Por que?

3. Traballo en grupo / A carta

carta

1. Continuamos traballando en grupo.

2. Lede con atención a carta. Reflexionade sobre o seu contido. Hai indicios de violencia sexista? Cales son?

3. Redactade unha carta de resposta para esta amiga preocupada. Podedes ler antes o díptico "Si hai saida á violencia de xénero".

4. Lédelle a vosa carta ao resto da clase.

Paso 2
Continuamos traballando en grupos. O obxectivo é elaborarmos dúas pirámides, unha que reflicta a violencia de xénero (en branco e negro) e outra que reflicta situacións de igualdade (en cores). Para a súa elaboración precisaremos:
-Xornais, revistas, folletos comerciais (tamén os podemos imprimir desde internet).
-Papel continuo branco.
-Folios brancos e folios de cores, bolígrafos e rotuladores.
-Tesoiras e pegamento.
Esta é a pirámide da violencia sexista. Seguro que xa a tedes visto en máis ocasións.Pirámide da violencia sexista

Fixádevos nos conceptos que contén e asegurádevos que comprendedes ben todos eles, así como o significado completo da pirámide.
           1. Primeiro tedes que buscar exemplos que caractericen as diferentes formas de violencia sexista que aparecen na pirámide. É preferible procurar exemplos próximos e reais. Tamén  serven os que atopedes nos xornais e folletos publicitarios. Para axudar na busca, revisade estas situacións que podedes ver se premedes na lupa. Lupa
2. Confeccionade recortes non moi grandes (cuarto ou medio folio) cos vosos exemplos. Procuraredes que predominen as cores branca e negra.
          ...................................................... .............3. Presentádelle ao resto da clase os vosos exemplos, explicando con que concepto se corresponden e como clasificariades esa mostra de violencia (invisible/visible). Gardádeos.

Paso 3

CONSTRUÍMOS IGUALDADE


E se lle damos a volta á pirámide da violencia? Pirámide violencia y pirámide igualdadeTrátase de buscar palabras e expresións que sexan o contrario das vistas na pirámide da violencia.  Fronte a ASASINATO, IGUALDADE; fronte a AGRESIÓN FÍSICA, ALOUMIÑO, e así sucesivamente. Cada grupo escribe as súas novas palabras ou expresións en folios de cores. Como fixemos coa pirámide da violencia, buscamos agora exemplos que se correspondan cos nosos novos conceptos de IGUALDADE. Valen imaxes, poemas, fotografías, breves descricións de situacións igualitarias... Confeccionamos cos nosos exemplos recortes en papeis de cores e presentámosllelos ao resto da clase.

                                                                                                                                                  Yolanda Varela, Pirámide, (CC-BY-SA)

Habilitar JavaScript