Saltar navegación

CLASIFICAR TEXTOS

LITERARIOS OU NON?

Indica, en cada caso, se se trata dun TEXTO LITERARIO ou dun  TEXTO NON LITERARIO

1. Eran de alá da montaña... Dunha desas aldeas de nome bravo e silvestre que repousan perdidas entre calados cumios. Longa viaxe fixeran –no rexo carro de bois, que rinchaba, xemía e daba tombos polos agres camiños montesíos– para lle dar cumprimento ao antollo do vello! :

2. A aldea é un núcleo pequeno de poboación, de carácter rural e con poucos veciños:

3. O carro galego, tamén coñecido coma carro do país ou carro aldeán, xogou un papel moi importante no devir do medio rural galego dende fai séculos, o uso do mesmo pérdese na antigüidade. Xeralmente, tiraba do mesmo unha parella de bois, se a casa era rica, porque nas casas pobres era unha parella de vacas:

4. O verdadeiro caldo galego é un caldo enxebre, que só leva unha mestura de patacas, fabas, verduras, unto de porco rancio e máis nada:

5. Baixa o lobo polo ollo do bosco

movendo nas flairas dos teixos
ruxindo na folla dos carreiros
en busca da vagoada máis soa e máis medosa :

6. A tía Ádega vive nunha casa pequerrecha, sempre ben encaleada, cunha balconeta de madeira, antre dúas fiestras xemelas, e unha porta de dúas follas. A casa ten fisonomía de moneco, con ollos, nariz e boca, e logo un caparuchete de tellas na cabeza. Cando a tía Ádega cerra unha fiestra, a casa chisca un ollo:

7. A dependencia esencial nas nosas vivendas campesiñas é a cociña. Ela fai xirar ó seu  redor todo o vivir dos moradores, que dependen dela e na que fan a case totalidade da  súa estancia mentres permanecen dentro da casa:

8. Nos primeiros tempos doña Carmen viviu leda pola esperanza do retorno; despois a seguranza de morrer no desterro deixouna abraiada. Dende entón a probe señora vive sempre lonxe do presente, asolagada en saudades, cunha doce tristura na surrisa; nos ollos a inquedanza dos xordos e nas mans señoriles a dúbida dos cegos. A boa señora enraizouse en terra allea e morrerá do ai que lle quedou :

Habilitar JavaScript