Saltar navegación

Caderno de apuntes de Lynnwin e Pi

CADERNO DE APUNTES DE LYNNWIN E PI

Como bos investigadores Lynnwin e Pi recolleron no seu caderno de apuntes todos os datos das súas investigacións. Aquí podes acceder a esta información para completar a túa aprendizaxe.

Caderno  nº 4: Aparato respiratorio

David Casado Bravo. Caderno nº 4: Aparato respiratorio (CC BY-SA)

Caderno  nº 5: Aparato circulatorio

David Casado Bravo. Caderno nº 5: Aparato circulatorio (CC BY-SA)
Caderno  nº 6: Aparato excretor


David Casado Bravo. Caderno nº 6: Aparato excretor (CC BY-SA)

 

 

MAPA CONCEPTUAL:

Os mapas conceptuais son unhas representacións gráficas do coñecemento en forma de rede nos que unimos distintos conceptos enlazados por frechas. Estas frechas poden levar palabras-enlace que especifican o tipo de relación.

O mapa conceptual é máis que un resumo xa que axuda a relacionar as nosas ideas e comprender mellor o aprendido.

Lynwwinn e Pi deixáronnos da súa viaxe á Terra uns mapas conceptuais. O problema é que o hidróxeno que usan para propulsar a súa nave é moi combustible, e tiveron un pequeno problemiña co lume, polo que parte desta información perdeuse, e so atopamos o primeiro documento correspondente ao tema 1 desta unidade.

.

.

Para completar a súa tarefa deberás realizar ti os tres mapas conceptuais correspondentes aos aparatos respiratorios, circulatorio e excretor.

.

.

Para realizar un bo mapa conceptual deberás ter en conta:

Xerarquización

Os conceptos deben estar dispostos por orden de importancia, os máis importantes ocuparán os lugares superiores da gráfica. O ideal é que cada concepto estea presente so unha vez.

Selección.

O mapa deberá ser unha síntese dos conceptos máis importantes. Deberemos entón seleccionar aquelas palabras clave para comprender o tema, e unilas mediante frechas que indiquen a súa relación.

Impacto visual

Deberá ter unha aparencia simple e vistosa. É aconsellable por isto facer primeiro un borrador. Unha vez rematado xa teremos unha visión global que nos permitirá refacelo e mellorar a súa presentación, destacando os conceptos máis relevantes.

Aínda que ao principio pode resultar algo dificultoso, coa práctica acabarás sendo un auténtico experto e serás capaz de construír o teu coñecemento de forma ordenada, ao igual que nun mapa conceptual, facilitando a súa aprendizaxe.

Licenciado baixo a Licenza Creative Commons Recoñecemento 4.0