Saltar navegación

2. Contextualización curricular

Contextualización do REA na programación de materia

Este REA forma parte da proposta cREAgal para a área de  Educación Plástica e Visual  de 1 de ESO. O seu deseño parte da programación modelo de Proens 2022-2023, versión 1  e vixente en xullo de 2024.

Na proposta de REA de cREAgal agrúpanse varias unidades didácticas en algúns REA, configurando unha secuencia coherente ao longo do curso. A planificación completa para a área inclúe un total de catro REA que engloban as 9 UD da programación modelo de Proens.

Relación dos REA coa programación modelo de Proens

Número de REA e título Unidade/s didáctica/s (Proens) Criterios de avaliación traballados % Peso Materia (Orientación de Proens) Temporalización
REA 1: "Queres implicArte?" UD1: As distintas manifestacións artísticas.
Valoración da perspectiva de xénero e o
patrimonio. Os xéneros artísticos
UD2: A linguaxe visual e os seus elementos
básicos e de configuración

CA1.1, CA1.2, CA1.3, CA1.4 e CA1.5.

CA2.1, CA2.2, CA2.3, CA2.4 e CA2.5

 14% 1º trimestre
REA 2: "ruArte" UD3: Técnicas básicas de expresión gráficoplástica
en dúas dimensión, secas e húmidas
UD4: O volumen como experiencia expresiva		 CA3.1, CA3.2, CA3.3,CA3.4 e CA3.5
CA3.1, CA3.2, CA3.3,CA3.4 e CA3.5		 22% 1 ºe 2º trimestre
REA 3: "EmbalArte" UD5: Trazados xeométricos básicos e as súas
aplicacións
UD6: Os sistemas de representación. Vistas
diédricas

CA3.1, CA3.2, CA3.4 e CA3.5

CA3.1, CA3.2, CA3.4 e CA3.5

 28% 1º, 2º e 3º   trimestre
REA 4: "O cómic para expresArte""
UD7:  A linguaxe visual e as súas funcións e
tipoloxías
UD8:  O cómic
UD9:  A fotografía

 CA4.1, CA4.2, CA4.3, CA4.4, CA4.5 e CA4.6
CA4.1, CA4.2, CA4.3, CA4.4, CA4.5 e CA4.6
CA4.1, CA4.2, CA4.3, CA4.4, CA4.5 e CA4.6		 36% 2º e 3º trimestre

Eixes da proposta didáctica

A área de Educación Plástica, Visual e Audiovisual fundamentase na adquisición dunha serie de destrezas manuais pero tamén mediante unha serie de procesos que contribúen non só á aprendizaxe de "saber facer" senón tamén a "saber ver". Esta proposta didáctica, desenvolve ante todo unha mirada analítica, crítica e creativa que enriquece a sensibilidade cara á arte e cara á tradición oral dos contos e lendas populares.

O currículo actual incide na necesidade de traballar o sentido estético e analítico, pero propón incorporar ás dinámicas de traballo coñecementos transversais como a posta en valor do patrimonio inmaterial, artístico e cultural, a responsabilidade ecolóxica e social, a innovación e o traballo en equipo. Dado que as nosas ferramentas de traballo cambian e evolucionan constantemente, é crucial manter sempre viva a capacidade de innovación, experimentación e adaptación ás novas tecnoloxías como aliadas para resolver novas problemáticas ou desafíos.

Este recurso educativo busca articular unha ampla gama de obxectivos establecendo unha secuencia de traballo que empeza pola análise do problema ao que se enfrontan, continúa cun plan de rescate, a aprendizaxe sobre composición e narración gráfica que serán útiles para a resolución do reto, e finalmente a materialización do produto final.
Este REA traballa sobre a contorna cotiá e colectiva do alumnado como marco de traballo sobre o que poñer en práctica o aprendido. Intégranse así aspectos afectivos, psicomotrices, de conciencia social e cívica e de aprendizaxe teórica-práctica que contribúe a desenvolver os contidos e obxectivos do currículo.

A situación de aprendizaxe está conectada cos seguintes Obxectivos de Desenvolvemento Sostible (ODS):

ODS 4 - Educación de calidade: busca garantir unha aprendizaxe inclusiva e significativa, promovendo competencias científicas e tecnolóxicas que fortalecen o coñecemento práctico e teórico.

ODS 9 - Industria, innovación e infraestruturas: inclúe aspectos como a elaboración de cómics, fomentando a innovación e as habilidades artísticas.

ODS 17 - Alianzas para acadar os obxectivos: o uso de recursos educativos abertos fomenta a colaboración entre educadores e comunidades para un ensino mellor e accesible.

Contidos, obxectivos específicos e competencias clave

O marco curricular que abrangue a esta situación de aprendizaxe relacionase directamente coa unidade didáctica número 7: "A linguaxe visual e as súas funcións e tipoloxías", coa número 8: "O cómic" e coa número 9: "A fotografía", que se corresponden coas da programación modelo de 1º de ESO proposta para a área de Educación Plástica, Visual e Audiovisual na aplicación PROENS da Consellería de Cultura, Educación, Formación Profesional e Universidades na Comunidade Autónoma de Galicia.

A continuación expóñense os contidos específicos traballados dentro do recurso:

Contidos Bloque da materia

A linguaxe e a comunicación visual. Finalidades: informativa, comunicativa, expresiva e estética. Contextos e funcións.

Imaxe fixa, secuencial e en movemento. Características, orixe e evolución. O cómic, a fotografía e os formatos dixitais.

Bloque 4

Os obxectivos da materia que se traballan neste REA son os que seguen:

Obxectivos Descrición
OBX 1
 Comprender a importancia que tiveron no desenvolvemento do ser humano algúns exemplos seleccionados das distintas manifestacións culturais e artísticas, mostrando interese polo patrimonio inmaterial como parte da propia cultura, para entender como se converten no testemuño dos valores e das conviccións de cada persoa e da sociedade no seu conxunto, e para recoñecer a necesidade da súa protección e da súa conservación.
OBX 2
 Explicar as producións plásticas, visuais e audiovisuais propias, comparándoas coas dos seus iguais e con algunhas das que conforman o patrimonio cultural e artístico, xustificando as opinións e tendo en conta o progreso desde a intención ata a realización, para valorar o intercambio, as experiencias compartidas e o diálogo intercultural, así como para superar estereotipos.
OBX 3
 Analizar diferentes propostas plásticas, visuais e audiovisuais, mostrando respecto e desenvolvendo a capacidade de observación e interiorización da experiencia e da satisfacción estética, para enriquecer a cultura artística individual e fomentar a creatividade.
OBX 4
 Explorar as técnicas, as linguaxes e as intencións de diferentes producións culturais e artísticas, analizando, de forma aberta e respectuosa tanto o proceso como o produto final, a súa recepción e o seu contexto, para descubrir as posibilidades que ofrecen como fonte xeradora de ideas e respostas.
OBX 5 Realizar producións artísticas individuais ou colectivas con creatividade e imaxinación, seleccionando e aplicando ferramentas, técnicas e soportes en función da intencionalidade, para expresar a visión do mundo, as emocións e os sentimentos propios, así como para mellorar a capacidade de comunicación e desenvolver a reflexión crítica e a autoconfianza.
OBX 6 Apropiarse das referencias culturais e artísticas da contorna, identificando as súas singularidades, para enriquecer as creacións propias e desenvolver a identidade persoal, cultural e social.
OBX 8 Compartir producións e manifestacións artísticas, adaptando o proxecto á intención e ás características do público destinatario, para valorar distintas oportunidades de desenvolvemento persoal.

A continuación, inclúense os descritores das competencias clave que marca a normativa vixente e que son traballadas neste recurso.

Competencias clave Clave dos descritores operativos
CCL CCL1 e CCL2
CP CP3
STEM STEM2 e STEM3
CD CD1, CD2 e CD3
CPSAA CPSAA1, CPSAA3, CPSAA4 e CPSAA5
CC CC1, CC2 e CC3
CE CE3
CCEC CCEC1, CCEC2, CCEC3 e CCEC4

Feito con eXeLearning (Nova xanela)