4.- Webquest: "A patrulla da convivencia"
Webquest "A patrulla da convivencia"
Introducción
Nos últimos tempos estamos observando no centro serios problemas de convivencia:
- Nos recreos hai nenos ou nenas que pelexan.
- Hai insultos.
- Houbo algún caso de bulling.
- Pintadas nas portas, mesas e paredes.
- Faltas de respecto ao profesorado...
Que está pasando?, cal é a causa?, podemos facer algo para solucionalo?...
Tarefa
Formaremos as "Patrullas da convivencia" na clase e na que teremos que realizar diferentes accións que culminarán no deseño dunha CAMPAÑA PUBLICITARIA cun decálogo de medidas a tomar para mellorar o clima na aula e no centro.
As accións previas á campaña publicitaria:
A cada grupo se lle asignará un espazo onde deberán observar accións en contra dunha convivencia pacífica (no patio de recreo, na clase, no ximnasio, no comedor escolar...
A CAMPAÑA PUBLICITARIA constará de :
- Unha infografía en formato dixital coas DEZ DECISIÓNS E CONSELLOS a tomar de xeito inmediato para mellorar a convivencia no noso centro.
- Pedirán permiso á dirección do colexio para poñer estas infografías en diversos espazos comúns do centro.
Proceso
Cada "patrulla" estará formada por catro membros que se repartirán estos roles:
-Coordinador/a: É quen define os obxectivos do grupo e coordina a toma de decisións. Tamén chamado líder ou responsable. Transmite seguridade, confianza e cohesión ao grupo.
- Investigador/a: O estudio das fontes son a súa principal fortaleza: estudos, análises,..., etc. Parte da súa función é extraer información que aplicará ao proceso actual. Soe ser un bo comunicador e un excelente analista das situacións.
- Creativo/a: persona chea de ideas e é quen de aportar suxestións e opinións. É imaxinativo, innovador e curioso.
- Deseñador/a: é o encargado de plasmar o decálogo na infografía.
Cada un exercerá o seu rol pero todas as propostas serán debatidas internamente entre os catro membros do grupo para poder elixir as dez mellores propostas ou consellos para mellorar o clima de convivencia no centro.
Recursos
- Convivencia escolar na Consellería de Educación da Xunta de Galicia
- Programas e estratexias para a convivencia escolar (en pdf, castelán)
- Pechakucha sobre a mediación escolar (presentación Genially)
Servizos web para realizar infografías:
Avaliación
Para avaliar o traballo, fixarémonos nos seguintes aspectos:
- Utilización dos recursos da rede.
- Exposición clara das ideas que se queren comunicar.
- Utilización correcta da lingua galega.
- Viabilidade e importancia das dez decisión tomadas.
- Funcionamento e relación entre os catro membros do grupo.
- Composición e estética da infografía creada.
Rúbrica:
|
CATEGORIA |
4 puntos |
3 puntos |
2 puntos |
1 punto |
Contido e precisión |
Toda a información da infografía é axeitada. |
99-90% da información na infografía é axeitada. |
89-80% da información na infografía é axeitada. |
Menos do 80% da información na infografía é axeitada. |
Escritura-Gramática |
Non hai erros gramaticais no texto da infografía. |
Non hai erros gramaticais no texto da infografía despois da revisión por parte do mestre. |
Hai 1-2 erros gramaticais no texto da infografía aínda despois da revisión por parte do mestre. |
Hai 3 ou máis erros gramaticais no texto da infografía aínda despois da revisión por parte do mestre |
Coñecemento gañado |
Todos os alumnos do grupo poden argumentar as dez decisións tomadas na infografía e o proceso técnico usado para crealo. |
Todos os alumnos do grupo poden argumentar a maioría das dez decisións tomadas na infografía e o proceso técnico usado para crealo. |
Só algúns alumnos do grupo poden argumentar as dez decisións tomadas na infografía e o proceso técnico usado para crealo. |
Varios alumnos do grupo parecen ter pouco coñecemento sobre a información e procesos técnicos usados na infografía. |
Gráficos |
Os gráficos van ben co texto e hai unha boa combinación de texto e gráficos. |
Os gráficos van ben co texto, pero hai moitos que se desvían do mesmo. |
Os gráficos van ben co título, pero hai moi poucos e a infografía parece ter un "texto pesado" para ler. |
Os gráficos non van co texto, e aparentan ter sido escollidos sen ningún orden. |
Atractivo |
A infografía é excepcionalmente atractiva en termos de deseño, distribución e orden. |
A infografía é atractiva en termos de deseño, distribución e orden. |
A infografía é relativamente atractiva aínda que pode estar un pouco desordenado. |
A infografía é bastante desordenada ou está moi mal deseñada. Non é nada atractiva. |
Uso do tempo de clase |
Usou ben o tempo durante cada periodo de clase. Puxo énfase en realizar o traballo e nunca fixo perder o tempo a outros. |
Usou ben o tempo durante cada periodo de clase. En xeral, puxo énfase en realizar o traballo e nunca fixo perder o tempo a outros. |
Houbo certo énfase en realizar o traballo, pero ocasionalmente distraía a outros. |
Non usou o tempo de clase para realizar o traballo ou distraía con frecuencia a outros. |
Esta rúbrica está inspirada libremente na ferramenta web Rubistar.
Conclusións
- As normas son esenciais para crear un clima de convivencia positivo.
- Todas as persoas somos diferentes e valiosas.
- Os conflitos son unha parte natural da vida.
- A violencia non é un instrumento válido para solucionar problemas.
- É fundamental promover a vontade de resolver conflictos. Sen vontade non hai solución posible.
- Se unha persoa está demasiado afectada ou fóra de control non é bo momento para iniciar a mediación. Debemos esperar a que se calme.
Licenciado baixo a Licenza Creative Commons Recoñecemento Non-comercial Compartir igual 4.0