Conclusión
Para rematar...
Unha vez rematadas as novas por todos os equipos de xornalistas, reunirémonos en Consello de editores para para tratar de elaborar a portada do xornal.
En primeiro lugar, cada equipo irá comentando aos demais xornalistas cal foi o tema tratado no seu artigo para o xornal.
Entre todos os xornalistas, valoraremos a que artigos lle temos que dar máis protagonismo na portada do xornal. Asemade, tamén organizaremos, de xeito consensuado, o lugar que ocupa na portada cada unha das novas do xornal.
A imaxe da dereita pode sernos de axuda á hora de deseñar a nosa portada.
Podemos empregar os seguintes documentos para darlle forma á nosa portada.
- Modelo de portada:
"Unha boa portada fará que o lector se interese polo contido interior do xornal."
Un pouco de lecer
Se remataches as tarefas, podes gozar duns momentos de lecer, ben merecidos, nas seguintes ligazóns:
- Os xornais. LIM da biblioteca avelaiona Luiña.
- Textos informativos: A noticia. Repositorio Abalar.
- Anuncios en prensa. repositorio Abalar.
Para rematar, só resta indicar que todos deberiamos comprender que esta forma de traballar é un recurso educativo moi útil, xa que nos vai permitir adquirir coñecementos de xeito divertido e ameno.
Esperemos que o voso xornal reflicta o traballo feito durante o curso...
...que teñades unha boa semana xornalista!!
Webquest realizada por María Sánchez e Norberto Blanco baixo unha Licenza Creative Commons Atribución-CompartirIgual 4.0 Internacional.