Conclusión

Chegados a este punto, sodes xa coñecedores dos contidos fundamentais que se tratan no Estatuto de Autonomía de Galiza.

Para por en práctica os coñecementos adquiridos, e a modo de CONCLUSIÓN, imos actuar como se fósemos membros do Parlamento de Galiza para elaborar un borrador das "Normas de clase, corredor e recreo" que achegaremos ao Equipo Directivo do centro co fin de telas presentes no Plan de Convivencia.

• Repartiremos os membros da clase en catro comisións parlamentarias:
  • Comisión para normas de clase.
  • Comisión para normas de corredor.
  • Comisión para normas de recreo.
  • Comisión para posibles sancións por incumprimento das normas.
• Cada comisión reunirase e realizará unha tormenta de ideas,sobre o tema, que anotarán por escrito.
• Realizada a tormenta de ideas, formaremos a Mesa Presidencial Parlamentaria que estará composta por un membro de cada comisión.
• Convocaremos un Pleno Parlamentario para debatir as propostas de cada comisión e realizar as enmendas que sexan precisas ás mesmas.
• A Mesa Parlamentaria será a encargada de dirixir o debate sobre as propostas de cada Comisión. O titor actuará como Presidente da Mesa do Parlamento.
• Ao final da Sesión Plenaria teremos que ter elaborado un documento coas ideas aportadas por todas as comisións que achegaremos ao Equipo Directivo.

Se remataches as tarefas, podes gozar duns momentos de lecer, ben merecidos, nas seguintes ligazóns:

• As institucións de España e de Galicia. LIM de Iván Prieto e Mónica Obelleiro.
• Galicia. Xogo sobre a cultura galega de Fran Macías, Felo Couto e Xosé Antón Vicente.
• Estatuto de Autonomía de Galicia. Prezi con xogos de Carlos Mariño Pego.
• Estatuto de Galiza. LIM do CEIP Chano Piñeiro.(preme dúas veces para entrar)