2.3 - Tipos de perspectiva cónica

Calquera obxecto ten tantas perspectivas como posicións diferentes pode ter con respecto ao observador, é dicir, varían coas distintas posicións que adoptan os obxectos respecto do plano de cadro. En xeral, distínguense tres tipos de perspectiva: frontal, oblicua e aérea, e tamén pódese considerar outras subclases atendendo á altura do punto de vista.

Perspectiva cónica frontal ou central.

Nesta perspectiva os obxectos presentan caras paralelas ao plano do cadro. Utilízase un único punto de fuga sobre a liña de horizonte, que coincide co punto principal P. As caras paralelas do volume manteñen a súa forma e a verticalidade e horizontalidade das súas arestas, e as liñas perpendiculares ao Plano do cadro converxen no Punto de Fuga.

Perspectiva cónica oblicua.

O plano do cadro é oblicuo con respecto a dous das tres direccións principais do volume, permanecendo a outra dimensión perpendicular ao plano xeometral. Utilízanse dous puntos de fuga, situados na liña de horizonte.

Perspectiva aérea.

Nesta perspectiva o plano do cadro é oblicuo respecto das tres direccións fundamentais do volume. Utilízanse tres puntos de fuga, dous situados na liña de horizonte e o terceiro ao que foxen as arestas verticais.