Temporalización do REA
Esta situación de aprendizaxe está deseñada para 4 sesións. Débese ter en conta que esta proposta de distribución busca como obxectivo principal non reducir en exceso o tempo de acción motriz co alumnado. A tipoloxía da área e o escaso número de sesións anuais fan que o compoñente motriz sexa sempre unha prioridade sen obviar que haberá momentos na aula ordinaria para exploración de contidos e realización de actividades interactivas que guían o REA.
| Fase | Seccións | Descrición do traballo a desenvolver | Temporalización |
|---|---|---|---|
| 1 | O voso recreo | Presentación do reto | Sesión 1 |
| 2 | Receita dun bo xogo | Coñecementos previos sobre características que debe ter un bo xogo | Sesión 1 |
| 3 | Investigando e deseñando - As entrevistas | Elaboración de entrevistas | Sesión 1 |
| 3 | As entrevistas | Realización de entrevistas | Recreo 1 |
| 3 | Os xogos | Práctica de xogos obtidos das entrevistas + selección de xogos para a proposta | Sesión 2 |
| 3 | En equipo: Deseñando carteis | Elaboración de cartelería dos xogos | Sesión 3 |
| 4 | Sodes influencers! Preparando a proposta | Simulación da proposta e coavaliación | Sesión 4 |
| 4 | Saíndo ao patio | Dinamización do patio + valoración dos participantes | Recreo 2 |
| 5 | Conclusión | Análise de todo o proceso | Recreo 2 |