A sociedade da información.

Evidentemente, os avances científico-tecnolóxicos non son algo novo na historia da Humanidade. Moitos deses avances supuxeron grandes cambios para todos os seres humanos, e mesmo deron nome a períodos históricos (Idade de Pedra, Idade de Ferro, Idade de Bronce). Unha das diferenzas dos avances da sociedade actual en relación cos doutros períodos históricos é o feito de que as devanditas innovacións se producen cada vez con máis frecuencia; é dicir, os cambios sucédense uns a outros a gran velocidade e, en moitos casos, as consecuencias para as sociedades e a súa evolución non é posible analizalas dunha forma rigorosa.