Supervivinte ou non supervivinte...esa é a cuestión
Ídesvos converter en persoal experto en ciencia de datos! Empregaredes todo o que aprendestes sobre IA para crear un modelo capaz de prever quen tiña máis posibilidades de sobrevivir ao desastre do Titanic.
Que ides facer?
⇒ Explorar datos reais do Titanic e entender os patróns ocultos.
⇒ Limpar e preparar os datos para que o modelo os interprete correctamente.
⇒ Analizar factores como idade, clase e prezo do billete para prever a supervivencia.
⇒Escoller e adestrar modelos de IA, desde técnicas clásicas ata redes neuronais.
⇒ Avaliar os resultados e aprender a mellorar as predicións.
⇒ Reflexionar sobre como optimizar modelos para problemas reais no futuro.
Por que é importante este proxecto?
A intelixencia artificial está transformando o mundo, desde a medicina ata a enxeñería. Aprender a construír modelos de IA permitiravos desenvolver habilidades clave para o futuro: análise crítica, resolución de problemas e pensamento computacional.
Traballaredes en parellas, debatendo ideas, investigando e tomando decisións como profesionais!
Se precisades axuda en calquera momento, debatede coa vosa parella e explorade diferentes solucións coa axuda da IA. A aprendizaxe na intelixencia artificial é un reto, o resultado, depende da vosa curiosidade!