Cúpula

• A cúpula é a cuberta superior dos faros, para protexer a lanterna da chuvia, sarabia...
• Ás veces na cuberta colócanse antenas, paneis solares, receptores de radio ou calquera outro elemento que sexa preciso.

Lanterna

• A lanterna é o espazo onde se encontra o foco luminoso do faro, chamado lámpada.
• Tamén é a ubicación do mecanismo xiratorio que fai que a luz dea voltas.
• Está protexida por unha vidrieira e, cando o faro está próximo a vivendas, colócase unha peza opaca pola parte de atrés para evitar a contaminación lumínica.

Balcón

• Os faros poden ter un ou varios balcóns.
• Os balcóns rodean o faro para poder acceder á lanterna desde a parte de fóra e facilitar a limpeza e reparación da vidrieira.

Torre

• A torre é a estrutura que lle proporciona ao faro a altura suficiente para que a súa luz se poida observar desde lonxe.
• Pode variar na forma: redonda (Faro de Punta Roncadoira), cadrada (Torre de Hércules), hexagonal (faro de Cabo Prior), octogonal (Faro de Ons)
• Dentro da torre atópase a sala de control do faro e, se non ten edificio base, a casa do torreiro e as diferentes salas para o funcionamento do faro.

Base

• A base da torre pode ser un edificio, como vemos no Faro de Ons ou no de Fisterra.
• Algúns faros non teñen edificio, senón que se asentan nunha base un pouco máis ancha que a torre, por exemplo a Torre de Hércules ou o Faro de Cabo Ortegal.
• Se o faro conta con edificio base, aí é onde se atopa a vivenda do fareiro e as salas de mantemento e control do faro.