A maqueta dun faro

Foto da maqueta dun faro

Ides facer a maqueta dun faro. O faro debe ser imaxinario, pero podedes buscar inspiración nos faros reais.
A continuación tedes unha lista de materiais suxeridos, pero podedes utilizar outros que se vos ocurran.

MATERIAIS

Tubo de cartón do papel de cociña	Escarvadentes
Cono de porexpán	Depresores
Caixas de cartón	Pedriñas
Algodón	Témperas

Traballade en grupos de 4 persoas.
En primeiro lugar, elixide os elementos que queredes que teña o voso faro: varanda, rochas, edificio anexo, valado...
Unha vez que teñades claros os elementos, seleccionade os materiais que ides precisar.
Se non atopades algún material ou non sabedes que material utilizar, podedes preguntar ao resto da clase.
Cando teñades todos os materiais, montade e decorade o voso faro.

Elaborade cartelas para cada maqueta onde se expliquen algúns datos relevantes. Aquí podedes atopar un exemplo.
É importante que usedes a imaxinación nas cartelas, xa que o voso faro é único e inventado por vós.
Preparade por equipos unha pequena explicación para cada faro onde podedes explicar a información das cartelas e como foi o proceso de montaxe: o máis fácil, o máis difícil, etc.
Podedes engadir nas paredes os murais que fixéstedes na primeira actividade.
Tamén podedes dispoñer dun ordenador ou pantalla onde os visitantes consulten a información sobre faros da unidade.