Materiais

• Arxila de calquera cor (branca, marrón, gris...).
• Un pouco de auga.

1. Amasado

• Amasa a arxila e dálle forma de bóla.

2. Primeira forma

• Fai un furado no medio da bóla co teu dedo polgar ou matapiollos.

3. Modelado con beliscos

• Partindo do furado, vai modelando a forma beliscando os bordos entre o dedo polgar e o índice.

4. Axudámonos coa auga

• Se queres dar máis altura á peza, ou meter os bordos cara adentro axúdate da auga.
• Molla os dedos para que a arxila sexa máis manexable.

5. As paredes laterais

• Axúdate da outra man mentres beliscas para modelar as paredes laterais da túa peza.
• Continúa beliscando ata que teñas a peza ao teu gusto e usa a auga sempre que o precises.

6. Suavizar os bordos

• Coa auga podes suavizar os bordos e as marcas que quedaran na arxila.

7. Peza rematada

• Deixa secar a túa peza durante 1 ou 2 días.
• Cando estea seca pódela pintar con témperas ou pintura acrílica.
• Tamén podes aplicar verniz ou Alkil se así o desexas.

Materiais

• Arxila e auga.
• Rodete liso. Tamén podes usar un rodete de formas para a última pasada.
• Cortador (pode ser un coitelo de plastilina, unha tesoira...).
• Pau de espeto para facer buracos na arxila (pode ser un lapis).
• Molde circular (pode ser un vaso).
• La e agulla plástica para la.
• Témperas e Alkil para dar cor.

1. Amasado

1. Amasa a arxila e aplánaa co rodete.
2. Recorta a forma que queiras co cortador.
3. Quítalle un círculo no medio co vaso ou molde redondo.

2. Os buracos

1. Fai 9 furados arredor do círculo.
2. Numera os furados do 1 ao 9 por orde.

3. Secado

• Deixa secar a arxila 1 ou 2 días.
• Cando estea seca, pódela pintar con témperas e darlle verniz ou Alkil.
• O exemplo non vai estar pintado para que sexa máis doado distinguir as puntadas de la.

4. Cosido

1. Enfía a agulla e dá un punto no número 1.
2. Faille un nó pola parte dos números.

3. A estrela

• Vai pasando a agulla polos distintos furados na orde que se ve no GIF.
• A orde dos furados é: 1, 5, 9, 4, 8, 3, 7, 2, 6, 1.
• Cando volvas ao burato 1, fai un nó para que non se desfaga.

4. Resultado