1.2.2.- O proxecto como método de resolución de problemas
Que é un proxecto?
Proxecto
Un proxecto é un conxunto de actividades ou tarefas relacionadas entre si e coordinadas para acadar un obxectivo determinado nun prazo concreto consistente en solucionar un problema ou satisfacer unha necesidade.
Desta definición podemos extraer algunhas das características dos proxectos: (premer sobre o título)
É temporal
Temporal significa que cada proxecto ten un comezo e un final definido. Ao final chégase cando se logrou o obxectivo do proxecto ou cando queda claro que o obxectivo non poderá ser alcanzado, ou cando a necesidade do proxecto xa non exista e o proxecto sexa cancelado. É dicir: cando o problema se soluciona co resultado do proxecto, se é posible solucionalo.
Obtense como resultado un produto obxectivo único
Un proxecto crea produtos entregables únicos. O proxecto acada a súa meta cando se formaliza a entrega do produto, no noso caso: un produto informático.
É o resultado dun proceso ordenado e gradual
A elaboración gradual significa que se desenvolve en pasos. Desenvolveremos o proxecto como resultado dunha serie de tarefas ou actividades coordinadas e ordenadas en fases, de forma que non se pode realizar unha fase ata que non se completou a anterior. O que si sucederá e que existen feedback durante o proxecto que nos obrigan a retornar a fases anteriores.
Reflexión
Parece complicado? É moito máis doado do que parece. De feito seguro que todos desenvolvemos moitos proxectos na nosa vida aínda sen ser conscientes diso. Moi a miúdo xórdennos problemas, cotiáns e sinxelos ou máis complexos; ou detectamos necesidades (ou ben nolas creamos) que esixen a nosa atención. Podemos ter máis ou menos éxito nestes obxectivos, pero seguro que obteremos bos resultados se aplicamos o método de proxectos.
Algúns aspectos importantes sobre os proxectos
Como abordamos un proxecto?
Un proxecto nace cando decidimos abordar un problema ou solucionar unha necesidade. Problema e necesidade poden ser unha proposta que nos fan ou ben somos nós os que buscamos estes problemas e necesidades. Para converter este reto nun proxecto imos traballar mediante a análise, a investigación, a creación e a avaliación, fundamentalmente. O proxecto cumprirá o seu obxectivo cando teñamos solucionado o problema ou a necesidade mediante un produto creado por nós.
Preguntas crave do proxecto
Para tomar a decisión de abordar un problema e aplicar o método de proxectos, debemos cuestionarnos unha serie de cousas: (premer en play 
)
Proxecto cíclico
A forma na que se aborda un proxecto é cíclica. Tentamos solucionar o problema mediante fases progresivas que se suceden mediante abordaxes sucesivas. Poderíamos velo como un proceso en espiral onde seguimos a orde das fases pero volvemos constantemente ás fases anteriores aportando feedback. Así ata que solucionemos o problema co noso produto. É un proceso cíclico pero limitado, teremos que ter unha meta temporal para cumprir os obxectivos. (premer en play )
O ciclo de vida do proxecto
Como dicimos, para que un proxecto sexa tal ten que ser finito: ten que ter unha orixe e un fin. Se o ciclo das actividades do proxecto se repetira indefinidamente non estariamos ante un proxecto, senón ante un sistema ou proceso continuo.
Licenciado baixo a Licenza Creative Commons Recoñecemento Compartir igual 4.0