4.- Webquest: "Creamos un xogo"
Webquest "Creamos un xogo"
Introducción
Todos os anos, na semana do 17 de maio, celebramos nos centros educativos a Semana das Letras galegas na que homenaxeamos a un persoeiro destacado das nosas Letras. Este persoeiro é seleccionado polos membros da Real Academia Galega (RAG) entre varias propostas que deben ter a condición de levar máis de dez anos mortos.
O nome do persoeiro dase a coñecer un ano antes da celebración.
Aínda que diversos colectivos de docentes ou a propia Administrción educativa elaboran recursos para traballar a vida e obra do persoeiro, tamén é certo que o propio proceso de elaborar nós as preguntas pode ser moi enriquecedor.
Tarefa
En equipos de catro membros teremos que deseñar un xogo baseado en preguntas e respostas sobre a vida e obra do persoeiro ao que lle adiquemos o Día das Letras Galegas neste ano.
Teremos que deseñar:
- A mecánica do xogo: o nome, as regras, se precisamos dalgún material adicional,...
- Unha batería de preguntas e respostas sobre a vida e obra do autor homenaxeado que sexa suficiente para poder desenvovler o xogo na súa totalidade.
Os grupos terán completa liberdade neste deseño e poden apoiarse en solucións dixitais que nos ofrece a Rede ou optar por facer todo o xogo noutro tipo de soportes non dixitais.Proceso
Cada "equipo" estará formada por catro membros que se repartirán estos roles:
-Coordinador/a: É quen define os obxectivos do grupo e coordina a toma de decisións. Tamén chamado líder ou responsable. Transmite seguridade, confianza e cohesión ao grupo.
- Investigador/a: O estudio das fontes son a súa principal fortaleza: estudos, análises,..., etc. Parte da súa función é extraer información que aplicará ao proceso actual. Soe ser un bo comunicador e un excelente analista das situacións.
- Creativo/a: persona chea de ideas e é quen de aportar suxestións e opinións. É imaxinativo, innovador e curioso.
- Deseñador/a: é o encargado de "darlle forma" e coherencia ao xogo.
Cada un exercerá o seu rol pero todas as propostas serán debatidas internamente entre os catro membros do grupo para poder elaborar o xogo previsto na súa totalidade.
Recursos
Para recabar información sobre o persoeiro homenaxeado:
- Galipedia (entrada sobre o Día das Letras Galegas)
- Día das Letras Galegas (en Galicia Dixital)
- Real Academia Galega (RAG)
- O Portal da Lingua Galega (Secretaría Xeral de Política Linguïstica)
Propostas para realizar o xogo en formato dixital (se o grupo decidiu esta opción):
- Brincaletras
- Kahoot (podemos crear un taboleiro con preguntas pero precisamos dun dispositivo móbil)
Avaliación
Para avaliar o traballo, fixarémonos nos seguintes aspectos:
- Utilización dos recursos da rede.
- Exposición clara das instrucións dos xogos deseñados por eles.
- Utilización correcta da lingua galega.
- Viabilidade e importancia das preguntas formuladas
- Funcionamento e relación entre os catro membros do grupo.
- Composición e estética do xogo creado.
Rúbrica:
|
CATEGORIA |
4 puntos |
3 puntos |
2 puntos |
1 punto |
Contido e precisión |
Toda a información das preguntas son axeitadas. |
99-90% da información das preguntas son axeitadas. |
89-80% da información das preguntas son axeitadas. |
Menos do 80% da información das preguntas son axeitadas. |
Escritura-Gramática |
Non hai erros gramaticais no texto das preguntas nin nas instruccións do xogo. |
Non hai erros gramaticais no texto das preguntas nin nas instruccións do xogo despois da revisión por parte do mestre. |
Hai 1-2 erros gramaticais no texto das preguntas nin nas instruccións do xogo aínda despois da revisión por parte do mestre. |
Hai 3 ou máis erros gramaticais no texto das preguntas nin nas instruccións do xogo aínda despois da revisión por parte do mestre |
Coñecemento gañado |
Todos os alumnos do grupo saben as instruccións do xogo, as respostas ás preguntas e o proceso técnico usado para crealo. |
Todos os alumnos do grupo saben as instruccións do xogo, a maioría das respostas ás preguntas e o proceso técnico usado para crealo. |
Só algúns alumnos do grupo saben as instruccións do xogo, a maioría das respostas ás preguntas e o proceso técnico usado para crealo.. |
Varios alumnos do grupo parecen ter pouco coñecemento sobre as instruccións do xogo, a maioría das respostas ás preguntas e o proceso técnico usado para crealo. |
Gráficos |
Os gráficos do xogo van ben co texto e hai unha boa combinación de texto e gráficos. |
Os gráficos do xogo van ben co texto, pero hai moitos que se desvían do mesmo. |
Os gráficos van ben co título, pero hai moi poucos e o xogo parece ter excesivo texto. |
Os gráficos do xogo non van co texto, e aparentan ter sido escollidos sen ningún orden. |
Atractivo |
O xogo é excepcionalmente atractivo en termos de deseño, composición e integración das preguntas. |
O xogo é atractivo en termos de deseño, composición e integración das preguntas. |
O xogo é relativamente atractivo aínda que pode estar descompensado nalgúns aspectos. |
O xogo está bastante desordenada ou está moi mal deseñado. Non é nada atractivo. |
Uso do tempo de clase |
Usou ben o tempo durante cada periodo de clase. Puxo énfase en realizar o traballo e nunca fixo perder o tempo a outros. |
Usou ben o tempo durante cada periodo de clase. En xeral, puxo énfase en realizar o traballo e nunca fixo perder o tempo a outros. |
Houbo certo énfase en realizar o traballo, pero ocasionalmente distraía a outros. |
Non usou o tempo de clase para realizar o traballo ou distraía con frecuencia a outros. |
Esta rúbrica está inspirada libremente na ferramenta web Rubistar.
Conclusións
- Debemos unha consideración especial ás persoas que viviron antes que nós e contribuiron de xeito decisivo a formar a cultura da que hoxe disfrutamos.
- A cultura galega é froito dun esforzo persoal e colectivo de moitas persoas.
- Debemos conservar o legado cultural que nos deixaron en herdanza.
- A cultura é a base e o fundamento do que somos.
- Debemos poñer todo o empeño para que a globalización nos nos faga perder os nosos sinais de identidade.
- Todas as persoas somos diferentes e valiosas.
Licenciado baixo a Licenza Creative Commons Recoñecemento Non-comercial Compartir igual 4.0