Algúns non metais elementais coma o xofre S₈ une os seus átomos formando unha especie de coroa.

Hai números chamados poligonais que se poden representar xeométricamente utilizando polígonos regulares.

Os números poligonais se clasifican, en función do polígono regular que forman en triangulares, cadrados, pentagonais, etc.

Para construir directamente calquera número poligonal utilízase a expresión alxebraica:

P(d,n) = n + n(n-1)(d-2)/2

Onde n é a lonxitude do lado e d, o número de lados do polígono.

Representa no teu caderno os números triangulares ata chegar ó de 10 unidades de lado e contesta.

a) Escribe a diferenza entre cada número triangular e o número triangular seguinte. Que observas?

b) Sen representalo, cal será o seguinte número triangular?

c) Calcula a diferenza entre cada número e o que vai dúas posicións cara diante. Como aumentan esas diferenzas?

d) Como aumentan as diferenzas entre números separados tres posicións?