Comezaremos o traballo localizando o grupo de elementos abióticos (non vivos). Neste grupo os máis importantes son as formas do relevo –ou xeoformas-. Estas,xunto ás condicións climáticas, a edafosfera e a rede hidrográfica constitúen os “elementos estruturais de calquera paisaxe”.

Conforman o “escenario natural”, que aos nosos ollos asemella non cambiar ao longo do tempo.

As formas do relevo da nosa paisaxe determinan a súa singularidade, así que ímolas coñecer:

• As formas do relevo ou “xeoformas” que podemos observar na nosa paisaxe son froito da -“tectónica”- que modela uns materiais –“litoloxía”- e sobre as que actúan, de maneira incesante, os axentes erosivos -atmosfera, augas correntes, etc.-
  
  
  • o Pois ben, de seguido imos xeolocalizar ( con marcas de posición ou polígonos, segundo a súa extensións) as seguintes xeoformas (lembra: todas elas pertencentes ao grupo de elementos abióticos):
    
    
    • Os cantís de Punta Frouxeira-o Portiño e Punta Faluchos.

      Garda esta información na súa marca de posición:
      “A acción mariña erosiona nuns lugares e acumula materiais noutros. Naqueles no que domine a erosión aparecen os “sectores rochosos do litoral –na nosa paisaxe os cantís da Frouxeira e Punta Faluchos”.

      

      

      

      
    • A praia da Frouxeira

      Garda esta información na súa marca de posición:
      “Naqueles sectores onde se acumulan os sedimentos arrastrados polas onda xorden as praias. Así que poderíamos definir unha praia como unha zona preferentemente areosa de tránsito ao mar con pendente suave”.

      

      

      

      
    • Complexo dunar da Frouxeira

      Garda esta información na súa marca de posición:
      “Nas praias o vento é o responsable da creación das dunas. A area queda atrapada en calquera resalte e da orixe a dunas embrionarias ou primarias nas que comezan a aparecen os primeiros exemplares das plantas colonizadoras como as gramas ou o cardo mariño (“Eryngium maritimun”)

      

      

      

      
    • Illa Cangrexeira

      Garda esta información na súa marca de posición:
      “Pequena illa situada no interior da lagoa da Frouxeira”.

    • Illa Percebelleira

      Garda esta información na súa marca de posición:
      “Emprazada fronte a praia grande da Frouxeira”.

      

      

      
    • Falla de Valdoviño

      Garda esta información na súa marca de posición:
      “Importante estrutura xeolóxica situada ao leste da nosa unidade que se estende ata a localidade lucense de Monforte de Lemos. Trátase dunha “falla transformante senestra” (movemento horizontal), que fai de límite entre os materiais do Parautóctono e o Complexo de Ordes” .