Organizados por grupos, deseñaremos unha primeira proposta de ruta. Cada grupo propoñerá a súa, e coa axuda da mestra/e acordaremos cál é a mellor para ofertar aos posibles visitantes.

Para poder elixir con acerto, dispoñemos dunha serie de axudas recollidas no apartado de recursos

Unha vez feita a selección, teremos que:

• Debuxar a trazada da ruta no noso visor.
  

  Empregaremos a ferramenta de “Regra” no menú de Ferramentas.

• Medir coa ferramenta do visor a distancia exacta en km
• E, finalmente realizar o seu “perfil topográfico”.
  

  Coa ruta seleccionada, no menú de Ferramentas-Editar-Amosar perfil de elevación (lembra ter activada a capa “relevo”).

• Elaborar a “ficha técnica da ruta”.
  

  Esta información é básica para que o interesado en realizar a ruta, poida decidir como e cando facela. Polo tanto, a ficha técnica da ruta terá que informarnos sobre

  • Requisitos da ruta: (móbil, calzado, bebida...)
  • Tempo máximo estimado: procurar que sexa non superior a 4 horas./li>
  • Grao de dificultade.
  • Mellor época do ano para facela, etc

  Esta información incorporarase á etiqueta da ruta. Observa a información que se facilita no portal Wikilok