Page 84 - index

846 3.- PROPORCIÓN (3)

A partir da proporción áurea podemos facer moitos trazados ou determinadas construccións e composicións baseadas
nela; unha das non menos importantes é a espiral áurea.

ESPIRAL ÁUREA

A espiral áurea, tamén coñecida como espiral logarítmica é unha curva infnita formada por arcos de cuarto de cir-
cunferencia tanxentes entre si cuxos centros seguen o ritmo dun rectángulo áureo crecente.
Como xa dixemos, a natureza ten moitos exemplos de que a proporción áurea forma parte dela : As cunchas dos cara-
cois, o xirasol e moitas outras plantas.

Trazado da espiral áurea ou espiral logarítmica
Para trazar unha espiral áurea debemos partir dun cadrado, do correspondente rectángulo áureo (lado menor o do cadra-
do e lado maior o segmento do que o lado do cadrado é a parte áurea) e así sucesivamente en crecemento: Co lado maior
do primeiro rectángulo áureo facemos outro cadrado a así sucesivamente ata o infnito.
Trazado:
1.- Partimos dun cadrado e do correspondente rectángulo áureo. Co lado maior do rectángulo áureo facemos outro
cadrado (que xunto co rectángulo áureo anterior formará un novo rectángulo áureo máis grande)... e así sucesivamente.
2.- Numeramos os centros dos sucesivos arcos de cuarto de circunferencia: 1, 2, 3, 4, 5 e 6. Poderíamos seguir ate o
infnito.
3.- Con centro en 1 e raio o lado do cadrado máis pequeno facemos o cuarto de circunferencia. Con centro en 2 e raio ate
o punto onde deixamos o arco anterior facemos outro cuarto de arco... e así sucesivamente.

Cuncha seccionada do caracol Nautilus