Elaborar material, baseado no uso das novas tecnoloxías da información e comunicación, para o ensino do Inglés en Primaria, como lingua estranxeira.
Este material elaborado tentará conseguir os seguintes finalidades:
• Sacar partido ós recursos tecnolóxicos do centro para a posta en practica e o análise de materiais creados.
• Empregar ferramentas informáticas sinxelas e de fácil manexo, que non requiran demasiada memoria nin velocidade de conexión, co fin de que podan ser empregadas con facilidade en outros centros i en outras circunstancias, e doadas de “transportar”, tanto física como metaforicamente, é dicir, que se adapten facilmente a outros centros, libros de texto, etc.
• Acercar as novas tecnoloxías a nenos dunha zona que non conta cunha maioría de fogares con conexión a internet, en parte debido ás características da telefonía no medio rural. En este senso, para moitos comprobei que era a súa primeira vez traballando cun ordenador.
• Experimentar as posibilidades que ten a informática como ferramenta de traballo, de estudio, de busca de información, de comunicación e de aprendizaxe de linguas, especialmente cando se trata dunha tan empregada neste soporte como é o inglés.
• Buscar un emprego do idioma e a tecnoloxía como vehículos de comunicación con outros nenos ou nenas.
• Facer unha recompilación de páxinas útiles para o ensino do inglés en Primaria, tanto para o seu uso na aula de informática como para a preparación de materiais e actividades para a aula de inglés.
• Aproveitar a capacidade motivadora das novas tecnoloxías para traballar aspectos da materia que frecuentemente son duros de traballar na aula (especialmente no que se refire á iniciación gramatical, escritura,etc).
• Adaptarse ao ritmo de traballo dos alumnos con NEEs.
• Buscar a variedade de formas de aprendizaxe mediante o emprego de diferentes formas de traballo, estímulos, etc.
• Os materiais elaborados deberán poder usarse plenamente integrados no resto do traballo da área, sendo en ocasións un apoio máis, en outras un reforzo, unha ampliación, ou simplemente unha actividade máis para traballar a lingua estranxeira.
• Adaptarnos, en fin, ás esixencias da educación no momento actual, que indubidablemente demandan unha maior formación nas novas tecnoloxías.

ARRIBA

INICIO