1.1. O voso reto

2.1. Instrumentos musicais

2.2. A voz humana

2.3. Agrupacións musicais

2.4. Como mostra... un botón

Xusto despois da presentación do reto, o alumnado revisará algúns contidos que xa traballou durante a etapa de Educación Primaria. Ademais, o terceiro día achegarase á primeira canción de música española, Debajo de un botón.

3.1. África

3.2. América

3.3. Asia

3.4. Europa

3.5. Oceanía

Nesta fase o alumnado viaxará polos cinco continentes, algúns dos contidos necesarios para desenvolver as UD propostas intégranse de forma práctica.

Na primeira sesión achegarémonos ás músicas do mundo, así como á Forma Musical, incluíndo a canción Palo Bonito; na segunda sesión viaxaremos a África, onde revisaremos a harmonía e tamén, por medio da canción Siyahamba, traballaremos a técnica vocal e instrumental; na terceira sesión iremos a América, onde nos achegaremos ás características musicais desta zona e, comezaremos a traballar a canción Samba Lelé, que se desenvolverá tamén na cuarta sesión; durante a quinta e a sexta sesión desprazarémonos a Asia, onde o alumnado achegarase a algunhas escalas propias destas culturas e seguirá traballando a técnica vocal con Hotaru Koi; na sétima sesión o alumnado achegarase a Europa, revisando as características principais da música europea e das danzas en España e, na oitava sesión, realizará unha proposta con La Tarara; finalmente, a última parada da viaxe levaranos a Oceanía, onde durante a novena sesión e a décima achegarémonos ás características deste continente e traballaremos a peza musical Taba Naba. Ademais, o profesorado pode ampliar ou modificar as cancións propostas, traballando outros aspectos coas pezas propostas para ampliación. Estas pezas propostas como ampliación tamén poderían substituír ás propostas inicialmente.

4.1. Deseñando e creando

4.2. Organizando o concerto

Nesta fase o profesorado guía ao alumnado no proceso de organizar e dar forma final ao conto musical, partindo do traballo realizado nas fases anteriores para estruturar a historia, decidir como se integran a música, as voces, o movemento e a narración, planificar os ensaios e repartir tarefas, reflexionar sobre a posta en escena, o uso do espazo e a escenografía, e acompañar a toma de decisións colectivas e o traballo cooperativo.

A primeira sesión será para a elaboración da historia e a organización. A última para os ensaios parciais e xeral.

Na fase 5 o profesorado acompaña ao alumnado no peche do proxecto, promovendo unha reflexión final individual e grupal, guiando a valoración do aprendido a nivel musical, creativo e persoal.