Saltar navegación

A RESISTENCIA

Precoñecemento

As capacidades físicas básicas son a resistencia, a velocidade, a forza e a flexibilidade. Son as capacidades básicas internas de calquera persoa para realizar calquera actividade física ou deportiva, e que melloran no seu adestramento coa práctica de exercicios e movementos específicos.

            siluetas gregas dun atleta praticando deporte da carreira, loita, natación e ximnasia        
relevo grego do pentatlón 500 aCMatthiasKabel  "relevo grego do pentatlón 500 aC.jpg" en wikimedia.org   CC BY-SA 3.0

       As primeiras actividades relacionadas coa ximnasia proceden da China, cun tipo de exercicio similar ao Kung-fu e de Exipto con actividades ximnásticas con fins recreativos (cara ao ano 2600 a.C). En todas as culturas posteriores (helénica, romana, medieval, renacentista e moderna) a ximnasia foi unha actividade considerada, pero non será ata o século XVIII onde realmente comeza a desenvolverse como deporte e método para un desenvolvemento integral da persoa. 

    Ximnasio para nenos ao aire libre ao redor do século XIX.jpgXimnasio Aldershott 1868.jpgCalistenia, 1867. Colección Granger.jpgSeal posture Mollie Bagot Stack 1931.jpgShore, men, exercise, feat, summer, bathing suit Fortepan 19723.jpg

Imaxes visibles en https://commons.wikimedia.org/wiki/Category:Gymnastics. Licenza de Dominio Público.


Obxectivos

Ao rematar estarás en condicións de definir a capacidade física da resistencia e de comprender as súas manifestacións nas distintas modalidades deportivas, así como distinguir os seus distintos tipos, e os factores dos que depende para aprender os diferentes adestamentos específicos para mellorala, asi como as distintas probas para a súa avaliación.

E todo isto podendo exercitala coa finalidade de:

  • Prepararse para unha maior actividade física aumentando o volume cardíaco e fortalecendo o corazón.
  • Coñecer mellor o noso propio corpo tomando conciencia del.
  • Mellorar a recuperación nos períodos de descanso e minguar a frecuencia cardíaca en repouso.
  • Potenciar a condición física xeral por medio dos exercicios da resistencia.
  • Previr lesións musculares motivadas polos esforzos prolongados.
  • Incrementar o rendimento por medio do acondicionamento e  mellora da resistencia.
  • Valorar o estado da nosa capacidade física da resistencia e das súas características específicas.
circuito resistencia resistencia

  Fotografías dunha alumna exercitando a resistencia nunha sesión de Educación Física .Licenza Creative Commons Recoñecemento Compartir igual 4.0