Cando o globo que impulsa as MarumaSat ascende, vai aumentando de tamaño, tanto que chega un momento no que estoupa e inicia o seu regreso cara Terra. Isto é debido á variación da presión atmosférica, pero... que é esta magnitude? Como cambia na troposfera e na estratosfera?

Aprende

EXPERIMENTA

Aínda que non sexamos conscientes, o aire pesa! e podemos demostralo moi facilmente:

Rubén Sebastian. Experimento casero: ¿pesa el aire?. En YouTube. Licenza estándar de YouTube.

PRESIÓN ATMOSFÉRICA

O peso do aire sobre a superficie da Terra denomínase presión atmosférica e depende de varios factores:

a temperatura: o aire quente pesa menos que o frío,
a altitude: a maior altura, menor é a presión atmosférica xa que a cantidade de aire que hai sobre nós diminúe,
e a humidade: o aire con máis cantidade de vapor de auga pesa menos e tende a ascender.

A presión atmosférica mídese empregando un instrumento que se denomina barómetro e exprésase en diferentes unidades sendo a máis habitual a atmosfera.

Ao nivel do mar a presión atmosférica é igual a 1 atm ou 760 mmHg e foi medida por primeira vez por Torricelli a mediados do século XVII. No video, o propio Torricelli explícache o seu experimento.

Xacobo de Toro Cacharrón. Experimento de Torricelli. En YouTube. CC BY-4.0

VARIACIÓN COA ALTITUDE

Na seguinte gráfica podes observar como varía a presión atmosférica coa altitude. Os datos foron obtidos pola cápsula MarumaSat II durante o seu voo até os 33612 m, pero só se representan os valores correspondentes á troposfera (aproximadamente 12 km).

Presión atmosférica MarumaSAt II. NOSA. Commons Wikimedia. CC BY-NC-SA 4.0