Como tivemos ocasión de comprobar na tarefa anterior, o tipo de rocha –litoloxía- e a evolución xeomorfolóxica dos diferentes sectores do litoral galego deron lugar a unha ampla gama de formas.

A partires da información recompilada grazas aos recursos seleccionados, imos a caracterizas as formas do relevo e a rede hidrográfica. É dicir, os grandes elementos estruturais da nosa paisaxe. Partiremos da cartografía que elaboramos coa localización das xeoformas e da rede hidrográfica.

Nas xeoformas que temos cartografadas sinalaremos nas etiquetas correspondentes ás súas marcas de posición a seguinte información (o seu topónimo, a súa altitude, o seu perfil topográfico e formación litolóxica á que pertence)

Lembra que estamos a falar das marcas dos cantís, praia, sistema dunar, a lagoa e a falla.

• Cantis de Punta Frouxeira-O Portiño e Punta Faluchos: Nesta localización engadiremos na súa etiqueta un resumo do texto que aparece no Recurso dedicado aos Cantís de Punta Frouxeira
• Sistema dunar: Nesta etiqueta explicaremos brevemente a tipoloxía de dunas presentes na nosa paisaxe. Lembra que estamos diante dun dos enclaves de maior singularidade do territorio galego. Recurso: Tipoloxía de dunas
• Praia: Explicaremos brevemente na súa etiqueta a orixe e tipoloxía desta praia
• No que respecta á rede hidrográfica: indicaremos o nome do curso fluvial e a súa lonxitude