A vida manifestase de moitos xeitos nas paisaxes, aínda que o elemento máis relevante pola súa forza compositiva é, sen dúbida, a vexetación. Os bosques, matogueiras ou praderías tapizan as formas do relevo deixándoas ocultas, establecendo as “texturas” e a paleta de cores das nosas paisaxes.

En calquera territorio a biodiversidade exprésase no número de especies diferentes e cantidade de biotopos. Unha diversidade que está influída pola xeoloxía e os matices climáticos (dunas, cantís, lagoas, zonas de solana, umbría, etc...)

A partires da lista usos e coberturas de vexetación establecida no Plan de Ordenación do Litoral (2011) que tedes de seguido, imos delimitar e cartografar no visor aqueles usos presentes na nosa paisaxe .

• VEXETACIÓN
  
  
  • Vexetación costeira e matogueira: vexetación herbácea ou de matogueira de escaso porte, localizada no sistema dunar
  • Bosques autóctonos: vexetación arbórea de clima atlántico
  • Bosques de ribeira: vexetación arbórea ou de matogueira propia das marxes dos ríos.
  • Bosques mixtos: mestura de especies autóctonas e de repoboación.
  

  

  

  
• AGROFORESTAL
  
  
  • Forestal de repoboación: Pinar e Eucaliptal
  • Cultivos de froita
  • Cultivos e prados
  • Viñedos
  • Outras formacións arbóreas: zonas antropizadas con especies arbóreas de difícil inclusión noutras clases en xardíns ou paseos marítimos
  

  

  

  

  Fonte: Plan de Ordenación do Litoral. 2011