A poesía e o xogo de estrofas rimadas vén sendo un poderoso recurso para "atrapar" aos primeiros lectores, e tamén aos prelectores. A conexión da palabra coa música ou a musicalidade crea un atractivo especial, que desemboca na memorización dos poemas, na representación e mesmo na súa dramatización. Un elemento, ademais, de suma importancia neste tipo de obras, é a conexión humana que propician entre os máis pequenos e os adultos que normalmente interveñen nas lecturas.

Nas sesións que escritores e ilustradores realizan conxuntamente con nenos e nenas, estes libros son de gran axuda para a lectura en voz alta, a canción en grupo e a celebración da palabra falada.

Un capitán galego navega polos mares. As poesías lévannos polas súas dificultades, os seus atrancos, e as súas victorias. As rimas van guiando ao lector cara un clímax eufórico.

Autor: Toño Núñez

Ilustrador: Xosé Tomás

Baía Edicións

As plantas e o mundo vexetal son o trasfondo, aínda que unha familia lle aporta o candor humano e as relacións emocionais. As poesías non acompañan fisicamente a cada planta, senón que o lector é quen ten que asocialas, nun xogo de reflexión.

Autora: Yolanda Castaño

Ilustrador: Xosé Tomás

Biblos

Un peizoque nace e ábreselle o mundo. As palabras son as súas aliadas, e grazas a elas "medra", mesmo fisicamente. Un libro que en moitas escolas utilizan como punto de inflexión para proxectos construtivistas.

Autora: Dores Tembrás

Ilustrador: Xosé Tomás

Editorial Galaxia

ABECEDARIOS E SILABARIOS RIMAS, CONTINAS, CANCIÓNS E SILABARIOS CONTOS CONTEMPORÁNEOS ADAPTACIÓNS DE CONTOS POPULARES ADAPTACIÓNS NON TRADICIONAIS

LIBROS MUDOS POP-UPS DOCUMENTAIS CADERNOS DE ACTIVIDADES DICIONARIOS VISUAIS LIBROS DE IMAXES GADGETS PROMOCIONAIS PUBLICACIÓNS PERIÓDICAS