Webquest Día Internacional da Violencia de Xénero
Guía didáctica
Destinatarios
- Alumnado de 5º e 6º curso de Ed. Primaria
Obxectivos
- Coñecer os orixes da celebración do Día Internacional contra a Violencia de Xénero.
- Identificar os obxectivos principais desta celebración.
- Enumerar aspectos a ter en conta contra a Violencia de Xénero.
- Coñecer a importancia de recoñecer e denunciar situacións de Violencia de xénero..
- Recoñecer os diferentes tipos de violencia de xénero.
- Valorar a importancia de vivir en igualdade e sen violencia.
- Ser capaz de realizar un traballo de investigación.
- Ser quen de axudar a persoas que se atopan en situación de violencia de xénero.
- Desenvolver a capacidade creativa para plasmar información nun mural e nunha curta.
- Usar as Novas Tecnoloxías no aula, manexando algunhas funcións propias do Sistema Operativo (copiar, pegar gardar arquivos, etc.), Internet a nivel de usuario, empregar algún programa de edición de textos, empregar programas de edición de vídeo, programas de edición en liña.
- Ser quen de por en liña os traballos realizados.
- Valorar a importancia da conmemoración do Día Internacional contra a Violencia de Xénero nos colexios.
Contidos
- Celebración do Día Internacional conta a Violencia de Xénero.
- Orixen da conmemoración desta data.
- Biografía das Irmás Mirabal.
- Tipos de Violencia de xénero.
- Como recoñecer situacións de Violencia de xénero.
- O mural como elemento informativo.
- As curtas como recurso educativo.
- O debate como instrumento para elaborar conclusións.
Competencias
Nesta webquest trabállanse as seguintes “Competencias clave”:
- Comunicación lingüística (CCL).
- Competencia dixital (CD).
- Aprender a aprender (CAA).
- Competencias sociais e cívicas (CSC).
- Sentido de iniciativa e espírito emprendedor (CSIEE).
- Conciencia e expresións culturais (CCEC).
Metodoloxía
- Material: Ordenadores con conexión a internet e impresora. Ficha de recollida de datos e material para escribir.
- Software: Programas de navegación por internet, programas de edición de textos (Office, LibreOffice ou Google docs). Aconséllase para traballar con contas de Google que o centro cree as contas necesarias (nomedocentro01,nomedocentro02...) e facilite os datos de usuario e contrasinal ao alumnado. Programas de edición de vídeo gratuítos: Apps para tables e móbiles, programas de edición en liña.
- Organización do espazo: Traballaremos no aula de informática pescudando información para completar as cuestións propostas no cuestionario. No aula elaboraremos o material para realizar o mural sobre Violencia de xénero. A curta será realizada onde considere oportuno o grupo, a súa edición será na aula de informática. O traballo de conclusión pódese facer na aula ordinaria.
- Organización alumnado: O alumnado traballará individualmente a primeira tarefa segundo a orde indicada no "Proceso" desta webquest. Formaremos cinco equipos de traballo para realizar a segunda e terceira tarefa segundo o indicado no "Proceso" da webquest. En gran grupo realizaremos a exposición das tarefas realizadas e o apartado de "Conclusións". As actividades de lecer pódense facer de forma individual ou nas parellas establecidas.
- Recursos educativos: Os recursos complementarios aparecen reflictidos no apartado de "Proceso" da webquest..
- Interrelacións: Nesta tarefa están implicadas todas as áreas do currículo, pero fundamentalmente as áreas de lingua, plástica, ciencias sociais e as transversais "Prevención da violencia de xénero".
Temporalización
- Seis sesións dunha hora no colexio, máis traballo para casa para completar a edición do vídeo da curta se fose preciso.
Avaliación
- O alumnado observará os criterios de avaliación das tarefas antes de comezar a realización das mesmas. Asemade, unha vez rematado o traballo, realizará a autoavaliación e comprobará a puntuación obtida.
- O profesorado realizará a avaliación das tarefas presentadas segundo os criterios reflectidos na "Avaliación" da WQ.